PREMIO DE ESTATÍSTICA
Unha parella de alumnos do IES Nº1, xunto con dúas rapazas do IES Cacheiras, acadaron o 1º Premio do IX Concurso Incubadora de Sondaxes e Experimentos.
Despois de dous anos acadando o segundo premio deste concurso organizado por SGAPEIO (Sociedade Galega para a Promoción da Estatística e da Promoción de Investigacións), este ano lograron co seu proxecto "PERFILANDO O RISCO" o 1º premio.
Para a obtención deste premio foi fundamental o labor das súas profesoras Olga Simón e Trinidad Pazos. A semana do 3 ao 7 de xullo concorren en Pamplona polo premio nacional de Estatística. Esperemos que o San Fermín lles dea sorte.