Onte foi un día especial para o noso EDLG, seis alumnas de 4º da ESO foron ao CEIP de Palmeira para contarlle ao alumnado de 6º de Primaria contos de Castelao dos libros Retrincos e Cousas. O alumnado de 6º agasallounos cun recitado de poesía.
Continuamos coas reunións das direrentes seccións do club de lectura. Este martes, 5 de febreiro, foi a vez do alumnado de 1º da ESO que leu o libro A chave das noces.
O 30 de xaneiro, Día de Castelao, o alumnado de 4º da ESO desprazouse ata Santiago para ver a exposición "Castelao Maxistral" na Cidade da Cultura. Completamos esta actividade cunha visita ao patrimonio da USC.
O IMER (Instituto de Mediación Educativa de Ribeira), asociación educativa na que participa profesorado dos centros de secundaria do concello, acaba de recibir o I Premio pola Paz convocado pola Deputación da Coruña.
Hoxe retomamos as sesións do Club 5.0 co libro A través do fume do noso compañeiro Antonio Piñeiro. Esta novela foi galardoada co Premio Torrente Ballester 2017.