En vista de que a situación de recortes no cadro de persoal docente do centro para o curso 21-22 non mudou con respecto ao que xa publicamos no mes de xullo, a comunidade educativa do IES Nº 1 de Ribeira decidiu facer unha denuncia conxunta. Pódese ler no arquivo adxunto o escrito de denuncia no que se informa de como afectan estes recortes á oferta educativa do centro.

Invitamos a toda a comunidade educativa a que se sume á concentración prevista para o martes 7 de setembro ás doce diante do centro como medida de protesta.

Módulo 3 da ESA e BACHARELATO

O prazo de matrícula é do 1 ao 10 de setembro.

No documento adxunto atoparedes as datas dos exames de setembro.

O día 1 de setembro só hai os exames de pendentes e da ESA, o día 2 os exames son da ESO e de Bacharelato (diúrno e adultos) e o día 3 só hai exames da ESO.

O alumnado de Bacharelato de Humanidades que se matricule en 2º BAC en Bioloxía e que, polo tanto, xera esa materia como pendente, pode facer o exame de 1º BAC o xoves 2 de setembro ás 16:00h.

Nos documentos adxuntos atoparedes a listaxe de libros do curso 2021/2022.

Lembramos que se recomenda esperar a setembro para falar co profesorado de cada materia, especialmente nos cursos de Bacharelato, sobre a conveniencia ou non de mercar os libros.

As cualificacións correspondentes tanto á terceira avaliación como á avaliación final ordinaria de xuño serán enviadas a través de Abalar o xoves 24 de xuño a partir das 16:00H. No caso das cualificacións corrrespondentes á convocatoria extraordinaria de 2º Bacharelato o envío será o mércores 23 a partir das 20:00H. O alumnado que as precise en formato papel deberá solicitalas aos seus/súas titores/as coa suficiente antelación.