Concursos

O mércores 26 de abril tres alumnos de 3º da ESO participaron na II Olimpiada de Xeografía Junior de Galiza que se celebrou na Facultade de Xeografía e Historia da USC. 

O equipo formado por alumnos do Ciclo Superior de Desenvolvemento de aplicacións multiplataforma, acadou o primeiro posto na fase rexional do concurso de programación competitiva Programa-me (www.programame.com) onde participaron 82 equipos, polo que acadan un posto na fase final a celebrar en Madrid.

O concurso está organizado pola Universidade Complutense de Madrid e pode participar o alumnado matriculado en ciclos formativos. Nunha primeira etapa, o alumnado participa nas fases rexionais que dan acceso á fase final. 

O alumnado forma equipos de tres persoas e teñen que resolver oito problemas de programación que requiren desenvolver e implementar algoritmos, traballar con estruturas de datos e organizar o traballo en equipo para acadar un resultado óptimo. Os equipos dispoñen dun límite temporal de dúas horas. 

Parabéns a todos os participantes e, moi especialmente, ao equipo gañador.

O pasado día 22 de decembro tivo lugar a entrega de premios do Calendario que leva por título "O ano das emocións".

En primeiro lugar queremos dar as grazas ao alumnado de 1º INFOFI que axudou na súa elaboración, traballando de forma constante para que dito calendario puidese estar en tódalas aulas do noso centro. 

Agradecer e felicitar a tódolos participantes no concurso, e de xeito especial dar a noraboa a aqueles que foron elexidos para formar parte deste proxecto. 

Coñece as bases do concurso premendo aqui