Actividades extraescolares

Da man do Departamento de Lingua Galega, de Música e do EDLG, o martes 18 de abril a rapazada de 3ºESO e algún alumno de 1º BAC realizou unha viaxe a Celanova cunha apretada axenda: visitaron en primeiro lugar Vilanova dos Infantes, para logo adentrarse na casa dos poetas na vila de Celanova e coñecer máis de preto a vida e obra de Curros Enríquez. Logo desprazáronse ata o mosteiro de San Rosendo onde puideron asistir a unha breve audición de órgano. 

Despois de xantar e repousar un anaco, achegáronse ata as Termas de Outariz para rematar a tarde cun relaxante baño antes de volver para a casa. 

O departamento de inglés realizou o pasado luns día 27 de marzo unha actividade co alumnado de 1º XEAD e 1º ADMFIN.

Foi unha ruta guiada pola cidade co guía oficial de Lugo, Guido, e parta das explicacións foron en inglés.

Percorreron parte do Barrio do Carmen e tamén poideron contemplar algúns graffitis e arte urbán que se atopa en diferentes zonas de Lugo.

Grazas ao departamento de música, hoxe visitou o centro Abraham  Cupeiro para impartir un concerto e achegarnos á maxia que encerra a música. Aproveitando a súa presenza, o equipo da radio escolar, Radio Llama, entrevistouno para coñecelo un pouquiño máis. 
Dani, Naiara, Pablo, Silvia e Uxía (representantes do club de lectura e responsables de Radio Llama) foron os encargados de compartir momentos inesquecibles con Abraham. 

Acceso á entrevista e a máis información.

Os alumnos de 3º e 4º da ESO gozaron este luns da obra de teatro "Move on" sendo unha das actividades que Afundación ofrece aos centros educativos galegos. Sen dúbida unha experiencia enriquecedora para todos eles.

Os irmáns Erik e Sergi Quintela, representan o soño de calquera rapaz ou rapaza lucense afeccionado ó baloncesto: chegar a xogar co C.B. Breogán na máxima categoría do baloncesto español. 

Na charla contáronlles aos alumnos tódolos sacrificios que tiveron que facer ata transformar o seu soño en realidade. Detrás de todos eses éxitos, hai unha palabra coa que se identifican ao cen por cen, TRABALLO.