Actividades extraescolares

Viveiro de empresas - CEI NODUS de Lugo

Start: 12/02/2015 09:00

End: 12/02/2015 11:30

ACTIVIDADE COMPLEMENTARIA: Visita ao CEI NODUS
	Día: 12 de febreiro Organiza: Dpto. Administración Hora: 09:00-11:30 Lugar: CEI Nodus Lugo Para: 2º CS ADMFIN (ord.)

* A forma de chegar ás instalacións será empregando cadaquén os seus propios medios.

Descrición da actividade:

coñecer da man de técnicos especialistas a actividade de promoción económica e empresarial que se desenvolve no Centro de Empresas e Innovación (CEI).

O CEI é unha iniciativa do Concello de Lugo para a promoción económica da cidade e un apoio á posta en marcha de novas iniciativas empresariais.

Con esta visita o alumnado coñecerá as posibilidades que ofrecen, tanto en infraestructuras coma en asesoría técnica, para a creación de empresas e poder levar a cabo novas iniciativas.

Calendario

O sabor da aventura está no mar

Start: 10/02/2015 11:50

End: 10/02/2015 13:30

ACTIVIDADE COMPLEMENTARIA: O SABOR DA AVENTURA ESTÁ NO MAR
		Día: 10 de febreiro Hora: 11:50 a 13:30 Para: 1ºESO A e B Lugar: IES Muralla Romana

É unha modalidade do programa "Aliméntate ben" (Plan Proxecta), creado pola consellería do Medio Rural e do Mar, que se centra en transmitir ao alumando a importancia dos produtos do mar na dieta, en relación coas achegas nutritivas, e fomentar o seu consumo. Ademais, afondarán no coñecemento das especies e o papel das persoas consumidoras á hora de preservar os recursos do mar e na posta das profesións do mar.

Os contidos desta Campaña xiran en torno a catro bloques:
- Medio mariño e especies.
- Conservación.
- Gastronomía.
- Nutrición.

O obradoiro a realizar no instituto, consta das seguintes actividades:
- 20 primeiros minutos: representación dunha pequena obra de teatro na que os educadores e educadoras, nos papeis do pescador Luís e a cociñeira Dona Mariña se preguntan se o alumnado coñece a importancia de comer peixe.
- 30 minutos seguintes: realización de actividades lúdicas adaptadas á idade do grupo.
- 10 últimos minutos: procédese á conclusión do obradoiro, onde se presenta ao alumando unha breve carta de compromiso, para a cuadrilla de "Os Arroases", na que firmarán que van comer máis produtos do mar e ademais van difundir a mensaxe entre todos os seus amigos e amigas e a súa familia.

Ligazón aos contidos do obradoiro: www.osabordaaventruaestanomar.com

Calendario

Entroido 2015

Start: 13/02/2015 11:45

Día: 13 de febreiro, ás 11:45 h no salón de actos.

Os concursantes (alumnado do IES Muralla Romana), que se poderán presentar de forma individual ou en grupo, desfilarán para valorar a orixinalidade temática, a confección do traxe e a interacción co público.

Establécense tres premios, un por cada unha das categorías seguintes:

- disfrace libre

- disfrace de material reciclado (bolsas, papeis, plásticos, xornais,...)

- disfrace relacionado coa cultura galega (tradicións, literatura, gastronomía, costumes,...)

O premio por cada categoría será un vale de 30€ a trocar por material escolar.

A decisión do xurado será inapelable.

Inscricións en vicedirección, ata o día do concurso ás 11:20 h.

Calendario

Charla temática da USC - Campus Lugo: Bosques galegos e árbores senlleiras

Start: 29/01/2015 11:50

End: 29/01/2015 12:40

ACTIVIDADE COMPLEMENTARIA: CHARLA - Bosques galegos e árbores senlleiras
		Día: 29 de xaneiro Horas: 11:50 ás 12:40 Para: 1º e 2º BAC Lugar: Salón de Actos

Esta charla temática, que forma parte do programa "A Ponte entre o Ensino Medio e a USC", correrá a cargo de D. Antonio Rigueiro Rodríguez (Catedrático de Universidade, membro do Departamento de Produción Vexetal, profesor na Escola Politécnica da USC - Campus Lugo e tamén director da Estación Científica do Courel).

Na charla describirá, apoiándose en fotografías, os principais bosques naturais (carballeiras, bidueirais, faiais, abraedos, cerqueirais, aciñeirais, sobreirais, louredos, acebedas, herbedais, ameneirais...) e artificiais (soutos de castiñeiros, piñeirais, eucaliptais) de Galicia. En canto ás árbores senlleiras explicaranse os criterios de catalogación, a normativa galega ao respecto, a distribución en Galicia dos monumentos vexetais máis importantes, as especies que aportan máis árbores senlleiras...todo iso acompañado de material gráfico. Fará especial referencia aos bosques e ás árbores monumentais do entorno do noso instituto.

Calendario

Asistencia ao teatro "Luces de Bohemia"

Start: 23/01/2015 11:00

End: 23/01/2015 14:20

ACTIVIDADE COMPLEMENTARIA: Asistencia ao teatro "Luces de Bohemia"
		Día: 23 de xaneiro Organiza: Dpto. Lengua Castellana Hora: 11:00-14:20 Lugar: Auditorio Gustavo Freire Para: 1º e 2º de Bacharelato

O alumnado de Bacharelato asistirá á adaptación da obra Luces de Bohemia, de Valle-Inclán. É a obra máis representativa dun dos nosos mellores dramaturgos, e tamén un referente do noso teatro contemporáneo. Mediante este espectáculo o alumnado terá a oportunidade de poder apreciar as características escénicas do esperpento, á vez que se lles descobre esta xoia do noso patrimonio literario.

Máis información:

Web de recursosweb.com FAI TEATRING!

Calendario

Prevención de condutas violentas "Bullying"

ACTIVIDADE COMPLEMENTARIA: Prevención de condutas violentas - "Bullying"
		Días: 14, 21 de xaneiro 04, 11, 25 de febr. 04 de marzo Hora: 10:30 a 11:20 Lugar: Aula Para: 4º ESO

Desde fai xa algúns anos Cruz Vermella Xuventude leva desenvolvendo un Programa de Prevención de Condutas Violentas nos institutos.

A metodoloxía que utiliza é activa e participativa, reforzando os estímulos e a motivación individual e grupal, integrando a experiencia práctica como punto de partida para a reflexión. Os métodos e técnicas adáptanos a cada situación fomentando a cohesión grupal, o traballo cooperativo, o diálogo e o respecto aos diferentes puntos de vista.

Cruz Vermella conta ademais cun portal específico, PRE20 sobre non violencia. Debido a que en moitos casos a violencia preséntase como unha forma de resolver conflitos; faise necesario reflexionar sobre ela e a súa consecuencia, co obxectivo de cambiar esas actitudes e comportamentos.

Máis información

Obradoiro "Resolución de conflitos"

STOP violencia escolar Obradoiro "Resolución de conflitos"

Os alumnos e as alumnas de 1ºESO e FP Básica (INFOFI e PEIEST) participarán nuns talleres de prevención de condutas violentas e resolución de conflitos; ofertados pola Concellería de Xuventude.

Este tipo de obradoiros mediante unha metodoloxía dinámica e participativa trata de realizar un labor, que consideramos de grande importancia, para a promoción de actitudes positivas.

Destinado a previr situacións de violencia e sensibilizar aos adolescentes sobre coeducación e igualdade de xéneros, fomentando o respecto e a tolerancia. Desenvolvendo actitudes de cooperación, intercambio, diálogo e comunicación.

Finalidade: impulsar actitudes positivas ante os problemas das relacións humanas, favorecer o desenvolvemento de habilidades sociais e a responsabilidade na resolución dos problemas e conflitos colectivos.

	Xoves, 08 xan		Xoves, 15 xan		Xoves, 22 xan		Xoves, 29 xan
08:50 a 09:40	1º PEIEST		1º PEIEST		1º PEIEST		1º PEIEST

	Luns, 12 xan		Luns, 19 xan		Luns, 26 xan		Luns, 02 feb
10:30 a 11:20	1º INFOFI		1º INFOFI		1º INFOFI		1º INFOFI

	Luns, 02 marzo	Luns, 9 marzo	Luns,16 marzo	Martes,24 marzo
10:30 a 11:20				1º ESO-B
11:50 a 12:40	1º ESO-B	1º ESO-B	1º ESO-B

	Luns, 02 marzo	Luns, 9 marzo	Luns,16 marzo	Martes,24 marzo
11:50 a 12:40				1º ESO-A
16:20 a 17:10	1º ESO-A	1º ESO-A	1º ESO-A

Rutas literarias

Start: 28/01/2015 10:00

ACTIVIDADE EXTRAESCOLAR: RUTAS LITERARIAS

Día: 28 de xaneiro
Organiza: Dpto. de Lingua Galega e Dinamización Lingüística
Hora: 10:00 h.
Lugar: Museo de Lugo
Para: 4º ESO e 4º PDC

Actividade didáctica incluída no programa ofertado polo Museo Provincial de Lugo.

Hai catro rutas: a do botón, a do gato, a do anel e a do pozo. Cada unha das rutas está baseada nun relato do libro Contos de medo no museo, que os estudantes deberán levar xa lido. Ditos relatos son: O botón encarnado, Sangue de gato negro, O anel dos destinos cruzados e O pozo dos desexos.

Xa no museo o alumnado deberá completar unha folla de ruta. Logo comprobaranse os resultados de cada unha das catro expedicións e repartiranse os agasallos correspondentes.

Recursos a empregar: materiais (libro, follas de ruta, bolígrafos, marcadores, exlibris e bloc) e didácticos (caderno do alumnado).

As rutas literarias cumpren unha función importante ao facilitarlles ao alumnado a posibilidade de realizaren múltiples actividades de tipo formativo-cultural fóra do medio propiamente escolar, xa que sitúan aos estudantes nun medio diferente ao seu, que lle vai propiciar unha maior convivencia e cooperación co/a profesor/a e outros compañeiros/as, ampliando os seus coñecementos e a súa comprensión integral.

Deixan descargar o libro, desde a web do museo Información do libro na rede

Blog do Departamento de Didáctica da Rede Museística de Lugo

Calendario

Visita á Aula da natureza de Chelo - río Mandeo - Coirós

Start: 18/12/2014 08:50

End: 18/12/2014 14:20

ACTIVIDADE EXTRAESCOLAR: Visita á Aula da natureza de Chelo
		Día: 18 de decembro Hora: 08:50 ás 14:20 Lugar: Río Mandeo - Coirós Para: 3º ESO Organiza: Dpto. CCNN

Alumnado de 3º da ESO do IES Muralla Romana realizará unha visita guiada pola Aula da natureza de Chelo, no río Mandeo en Coirós. Aula equipada cunha interesante exposición permanente sobre o río e a auga. Nela poderán aprender todo sobre as especies de flora e fauna da conca, o funcionamento dun muíño ou os diferentes usos da auga.

Contarán cun guía, educador ambiental, para informar ao alumnado sobre calquera dúbida relacionada cos contidos que na aula se tratan.

Para chegar ata alí farán senderismo a carón do río Mandeo, polo que deberán levar calzado cómodo e indumentaria de abrigo apropiada.

Aula da natureza de Chelo

Calendario

Programa de Desenvolvemento Creativo do MAC

Start: 18/12/2014 08:50

End: 18/12/2014 14:20

ACTIVIDADE COMPLEMENTARIA: XOGAR CO ESPAZO
		Día: 18 de decembro Hora: 08:50-11:20 (A) 11:50-14:20 (B) Lugar: Aula- S.A./patio Para: 1º ESO

O Museo de Arte Contemporánea Gas Natural Fenosa (MAC) leva a cabo este Proxecto de Desenvolvemento Creativo do que beneficiarase o alumnado de 1º da ESO do noso instituto. Trátase dunha convocatoria extraordinaria, vencellada ao 25 aniversario da Mostra internacional Gas Natural Fenosa.

O taller que nos ofrecen é "Xogar co espazo", unha proposta do artista e fotógrafo Rubén Panete, un artista que traballa con tecnoloxías móbiles, xeoposicionamento e percepción espacial.

Os rapaces poden levar:

- teléfono móbil con batería cargada, 200 MB de espazo en memoria libre e uso de datos, con cámara; aplicación "My Tracks" instalada no terminal.

- Cámara fotográfica dixital con batería cargada e espazo libre na memoria.