Actividades extraescolares

GSICKMINDS 2015

Start: 20/11/2015 08:00

End: 20/11/2015 18:00

ACTIVIDADE EXTRAESCOLAR: ASISTENCIA ÁS XORNADAS SOBRE SEGURIDADE INFORMÁTICA 2015
		Día: 20 de novembro Hora: 08:00 ás 18:00 Lugar: PALEXCO - A Coruña Para: ADSIINRE, SIMIRE Encargado: Dpto. Informática

O alumnado de informática que cursa algún módulo relacionado directamente coa seguridade informática está previsto que asista a algunhas das charlas organizadas por GSIC (http://gsickminds.net/), no Palacio de Exposicións e Congresos de A Coruña. Polo tanto correspóndelle ao alumnado de “Seguridade e alta dispoñibilidade” do ciclo ADSIINRE tanto no réxime de ordinario como no de adultos e o de “Seguridade Informática” do ciclo SIMIRE ordinario.

Pola tarde visitarán o museo Domus, é o primeiro museo interactivo do mundo adicado ao ser humano. O edificio é obra do arquitecto xaponés Arata Isozaki e ten máis de 200 módulos interactivos para divertirse e reflexionar sobre as características da especie humana.

Calendario

Asistencia á conferencia "Como ganar la carrera de tus sueños"

Start: 12/11/2015 09:40

ACTIVIDADE COMPLEMENTARIA: Asistencia á conferencia "Como ganar la carrera de tus sueños"
	Día: 12 de novembro Hora: 09:40-12:00 Lugar: Edificio Xunta Lugo Para: 4ºESO e 1ºBAC

O alumnado desprazarase camiñando acompañados de profesorado.

Descrición da actividade:

O 12 de Novembro ás 11:00 h. terá lugar, no Salón de Actos do Edificio Administrativo da Xunta en Lugo, a conferencia "Como ganar la carrera de tus sueños".

A organización corre a cargo da Fundación Mutua General de Seguros. Na conferencia o piloto Isidre Esteve, trata de inspirar aos rapaces/as a partir das súas vivencias persoais e profesionais, tendo como fío condutor o grave accidente que o apartou das carreiras.

O profesor Joan Elías plantexa unha reflexión aos rapaces sobre os retos que lles depara o seu futuro e a necesidade de adaptarse a un entorno que cambia rápidamente.

ISIDRE ESTEVE: Piloto, durante moitos anos, de moto, participando varias veces no Paris-Dakar; logo de sufrir un grave accidente que o postrou nunha silla de rodas, participa en raids con un vehículo adaptado.

JOAN ELIAS: Licenciado en Comunicación, Máster en Marketing e RR. HH. Coach de Dirección. Profesor na Escuela de Alta Dirección de Barcelona.

O acto contará coa presenza de de Xosé Ramón Lete Lasa, Secretario Xeral para o Deporte .

Calendario

Asistencia á representación da obra teatral "¡Vaya Tela!"

Start: 12/11/2015 09:30

End: 12/11/2015 09:30

ACTIVIDADE COMPLEMENTARIA: Asistencia ao teatro
	Día: 12 de novembro Hora: 09:30-12:00 Lugar: Auditorio de Lugo Para: 3º ESO

O alumnado desprazarase camiñando acompañados de profesorado.

Descrición da actividade:

O grupo de traballo "Lugo, Cidade polo Comercio Xusto", do que forman parte as asociacións A Cova da Terra, Asemblea de Cooperación Pola Paz, Bico de Grao e Manos Unidas e Fundación Taller de Solidariedad, convídanos ao espectáculo ¡VAYA TELA! que representará en Lugo a compañía catalá Xucrut Teatre.

O espectáculo nace por mor dun encargo da Compañía Roupa Limpa, na primavera de 2010, para crear unha peza de teatro que falase do consumo de roupa e puidese chegar a un público amplo.

Xucrut Teatro penetrouse nun proceso de creación co espírito de abordar o tema do consumo de roupa con humor e crear, así, un clima propicio para abrir debate co público ao finalizar a función. A peza teatral ten unha duración de 40 minutos en clave de comedia, cun ritmo rápido e fluído. Despois dáse paso a un foro que pode ter unha duración de 40 a 60 minutos.

Calendario

Participación nun estudo do Instituto Pluridisciplinar da UCM

Start: 09/11/2015 00:55

Participación nun estudo financiado polo Ministerio de Economía e Competitividade (MINECO):

Persoal da Unidade de cartografía cerebral do Instituto Pluridisciplinar da Universidade Complutense de Madrid desplazarase o 9 de novembro ata o noso centro, porque alumnado da ESO participará nun estudo de investigación que están a realizar.

* O alumnado que participe conta coa debida autorización dos seus pais, nais ou titores legais.

Calendario

Obradoiro "La aventura de Diana"

Start: 09/11/2015 10:30

End: 09/11/2015 14:20

ACTIVIDADE COMPLEMENTARIA: Visita ao CEI NODUS - Obradoiro
	Día: 09 de novembro Organiza: Dpto. Administración Hora: 10:30-14:20 Lugar: CEI Nodus Lugo Para: 1º CS ADMFIN (ord.)

Descrición da actividade:

“La Aventura de Diana” é un proxecto metodolóxico baseado nunha novela empresarial orientada a facilitar aos emprendedores/as conceptos, referencias, ferramentas e aprendizaxes sobre innovación e emprendemento.

Os talleres toman as referencias do libro do mesmo nome e polo tanto é o seu autor Nacho Villoch o encargado de trasladar ese coñecemento aos emprendedores e emprendedoras, empresarios e empresarias.

Calendario

Presentación Club de Lectura - Nivel I

Start: 05/11/2015 12:40

Presentación
Animádevos a ler o primeiro libro!!!

Escarlatina, a cociñeira defunta. Ledicia Costas

Sinopse:

Como Román Casas quería ser un auténtico chef, pediulle aos seus pais un curso de cociña para o seu décimo aniversario, que coincide co Día de Defuntos, a festa dos mortos. E nese día tan especial recibiu un megasusto, un agasallo moi singular, un cadaleito acompañado dun sobre negro onde viñan as instrucións para activar a Escarlatina, unha cociñeira falecida no século XIX que nunca se separa de Lady Horreur, un arrepiante arañón con acento francés. A bordo do mortobús, os tres novos amigos e mais o gato Dodoto viaxarán ao Inframundo, onde os defuntos viven baixo as ordes de Amanito, o tirano que goberna no Alén coa axuda dos funguiños: os seus terroríficos esbirros. Unha ducia de moi gorentosas e larpeiras receitas, as máis sabedeiras do mundo dos vivos e dos mortos, dan paso a cada un dos bocados desta historia de humor macabro que estimula o apetito do lector e a curiosidade polo mundo da cociña.

Premios:
5ª edición - Premio Merlín de Literatura Infantil 2014 - Premio Fervenzas Literarias ao Mellor Libro Infantil 2014 -Premio Fervenzas Literarias á Mellor Portada de LIX 2014 - Premio Neira Vilas ao mellor libro Infantil e Xuvenil do ano 2014 - Premio Nacional de Literatura Infantil, 2015

Fonte da información: http://www.xerais.es/ Enlace a web externa

Calendario

Videoconferencia: "A máquina que constrúe a mente e a realidade"

Start: 04/11/2015 12:30

End: 04/11/2015 13:30

ACTIVIDADE COMPLEMENTARIA: Videoconferencia A máquina que constrúe a mente e a realidade
		Día: 04 de novembro Horas: 12:30 ás 13:30 h Lugar: Salón de actos Para: 4º ESO, 1º e 2º INFOFI

A Coordinadora Galega de ENDL convídanos a participar nesta videoconferencia, con motivo da celebración do VI Día da Ciencia en Galego.

Relator: Xurxo Mariño Alfonso.

Todo o que somos cada un de nós, o que percibimos, o noso "eu", as emocións cotiás, todo iso é unha construción elaborada por unha máquina que levamos dentro do cranio: o encéfalo. Aí dentro temos miles de millóns de células, as neuronas, que utilizan a electricidade para comunicarse entre elas e, dese xeito, crear a mente e a realidade. Como funciona esa máquina da mente? A onde vai o "eu" cando durmimos? Poden construírse máquinas artificiais que teñan mente?.

Máis información

Calendario

Unidade móbil de doazón de sangue no noso instituto.

Start: 28/10/2015 09:30

End: 28/10/2015 21:00

ACTIVIDADE COMPLEMENTARIA: Unidade móbil de doazón de sangue no instituto.
		Día: 28 de outubro Horas: 9:30 ás 14:30/15:30 ás 21h Lugar: Fronte á entrada principal (no aparcadoiro) Para: + 18 anos, sans e + 50 K

O sangue non se pode fabricar.

Cada día os hospitais galegos precisan 500 doazóns de sangue para facer operacións, atender as urxencias, os transplantes e tratar moitas enfermidades. Se tes máis de 18 anos, es san e tes máis de 50 quilos de peso non quedes indiferente. Son poucos os motivos que impiden doar e moitas as razóns para facelo.

15 minutos de teu tempo poden resolver moitos problemas de saúde ou salvar vidas. Non debes acudir sen almorzar e despois do xantar tes que deixar pasar dúas horas. Persoal sanitario revisará o teu estado de saúde e utilizará material estéril e dun só uso. Na dozaón NON existe risco de contraer enfermidades transmisibles polo sangue. Doar sangue é voluntario e altruísta. Non se paga a doazón nin se lle cobra ao enfermo o sangue que recibe. Da túa doazón obtéñense tres compoñentes sanguíneos que se utilizan para diferentes problemas de saúde.

Se é a primeira doazón, achegarse co DNI.

Web do Centro de Transfusión de Sangue de Galicia

Calendario

Salón Look Madrid 2015

Start: 23/10/2015 21:47

End: 25/10/2015 22:00

ACTIVIDADE EXTRAESCOLAR: Salón Look Madrid.
		Día: 23, 24 e 25 de outubro Lugar: Madrid Para: 2º PECOCA Organiza: Dpto. Imaxe Persoal

Alumnado de segundo do Ciclo Medio de Peiteado e Cosmética Capilar desprazaranse a Madrid coa profesora Mª Luz, para disfrutar desta feira internacional. A viaxe e participación a esta actividade está organizada desde o IES A Pinguela e aberta por ese instituto a outros centros (incluído o Departamento de Imaxe Persoal do IES Muralla Romana).

Programa da actividade

Venres, 23 de outubro

09:30 h Saída en autobús diante do instituto IES Muralla Romana
14:30 h Chegada a Madrid
17:15 h Visita guiada Museo del Prado
20:00 h Libre

Sábado, 24 de outubro

09:30 h Saída para a Feira de Madrid
(Estarase todo o día no recinto ata as 20:00 h)
20:00 h Libre

Domingo, 25 de outubro

Pola mañá , dúas posibilidades: Visitar O Retiro ou ir por libre.
14:00 h Hora de saída para regresar a Lugo

Custo sufragado polo alumnado, segundo tarifa e condicións establecidas polos organizadores da actividade; aceptando co abono do mesmo as condicións por eles fixadas.
Aloxamento en : Cat's Hostel

Calendario

Obradoiro de "Português Simples"

Start: 21/10/2015 08:50

ACTIVIDADE COMPLEMENTARIA: OBRADOIRO DE PORTUGUÊS SIMPLES
		Día: 21 de outubro Organiza: AGAL/Deputación Lugo Horario: Consultar táboa Para: Consultar táboa Equipo de Dinamización Lingüística

O profesor que vai impartir os obradoiros é Kike Martins .

Esta actividade realízase grazas a un convenio de colaboración da Deputación de Lugo coa Asociación Galega da Lingua (AGAL), para levar os Ops! a centros de ensino lugueses.

OPS!	Horas	Grupos	Aula
1	08:50-10:30	3ºESO A e B (sen PMAR)	005
2	10:30-11:20 e 11:50-12:40	2ºESO A e B (sen ACC)	004
3	12:40-14:20	4ºESO (sen PDC)	103

O ateliê Ops! é unha idea orixinal de Carlos Figueiras, adaptada e desenvolvida por Valentim R. Fagim. Nace para pór en valor a lingua de Galicia, facendo ver a súa potencialidade e ter en conta os prexuízos que a subvaloran. Nace porque o portugués é a sexta lingua máis falada no mundo, oficial en 4 continentes e 8 países, sendo un deles o Brasil, unha potencia emerxente. Nace porque o plurilingüismo vai ter cada vez máis valor, promovido pola globalización e as institucións políticas (a comezar pola Unión Europea).
Finalmente, nace porque é en épocas de crise cando é máis preciso afinar onde imos investir os nosos recursos e depositar a nosa atención.

Fonte da información