Actividades extraescolares

Obradoiro - TÉCNICAS DE ESTUDO

ACTIVIDADE COMPLEMENTARIA: Obradoiro - TÉCNICAS DE ESTUDO.
		Datas: Novembro - Decembro Hora: Consultar táboa Lugar: Na Aula Para: 1ºFP Básica- 1ºESO Organiza: Dpto. Orientación

Obradoiro ofertado polo Concello de Lugo e organizado polo Departamento de Orientación, dirixido ao alumnado de FP Básica, 1º ESO e ACC; co obxectivo de dotar aos rapaces de habilidades de planificación e técnicas de estudo, coa resolución dos problemas asociados. Para elo daráselles a coñecer os factores ambientais que favorecen o estudo. Aprenderán a organizar as tarefas académicas e perfeccionar técnicas: suliñados, resumos, esquemas,… Así, seguindo unhas poucas pautas, mellorarán os resultados académicos.

Estarán acompañados polo profesor que teña clase/titoría con eles na hora correspondente.

	Venres, 13 nov		Venres, 20 nov		Venres, 27 nov		Venres, 04 dec
11:50 a 12:40	1º PEIEST		1º PEIEST		1º PEIEST		1º PEIEST

	Xoves, 12 nov		Xoves, 26 dec		Xoves, 03 dec		Xoves, 10 dec
13:30 a 14:20	1º INFOFI		1º INFOFI		1º INFOFI		1º INFOFI

	Venres, 13 nov		Venres, 20 nov		Venres, 27 nov		Venres, 04 dec
10:30 a 11:20	1º e 2º ACC		1º e 2º ACC		1º e 2º ACC		1º e 2º ACC

	Luns, 23 nov		Luns, 30 nov		Luns, 07 dec		Luns, 14 dec
08:50 a 09:40	1º ESO-B		1º ESO-B		1º ESO-B		1º ESO-B

	Mérc., 11 nov		Mérc., 18 nov		Mérc., 25 nov		Mérc., 02 dec
13:30 a 14:20	1º ESO-A		1º ESO-A		1º ESO-A		1º ESO-A

Xornada de cor Schwarzkopf

Start: 16/11/2015 19:48

ACTIVIDADE COMPLEMENTARIA: XORNADA COR CAPILAR SCHWARZKOPF
		Día: 16 de novembro Organiza: Dpto. Imaxe Persoal Lugar: Hotel Santiago Para: 2º CM PECOCA

Alumnado do Ciclo Medio de Peiteado e Cosmética Capilar recibirá un curso de cor de Schwarzkopf, líder no sector. A finalidade desta MasterClass é formarse como futur@s profesionais e coñecer as novas tecnoloxías en constante innovación.

Schwarzkopf Professional tráelles as últimas tendencias no mundo da perruquería. Nesta xornada coñecerán todo o necesario para estar actualizados por completo, cos produtos desta prestixiosa marca.

Web de Schwarzkopf

Calendario

GSICKMINDS 2015

Start: 20/11/2015 08:00

End: 20/11/2015 18:00

ACTIVIDADE EXTRAESCOLAR: ASISTENCIA ÁS XORNADAS SOBRE SEGURIDADE INFORMÁTICA 2015
		Día: 20 de novembro Hora: 08:00 ás 18:00 Lugar: PALEXCO - A Coruña Para: ADSIINRE, SIMIRE Encargado: Dpto. Informática

O alumnado de informática que cursa algún módulo relacionado directamente coa seguridade informática está previsto que asista a algunhas das charlas organizadas por GSIC (http://gsickminds.net/), no Palacio de Exposicións e Congresos de A Coruña. Polo tanto correspóndelle ao alumnado de “Seguridade e alta dispoñibilidade” do ciclo ADSIINRE tanto no réxime de ordinario como no de adultos e o de “Seguridade Informática” do ciclo SIMIRE ordinario.

Pola tarde visitarán o museo Domus, é o primeiro museo interactivo do mundo adicado ao ser humano. O edificio é obra do arquitecto xaponés Arata Isozaki e ten máis de 200 módulos interactivos para divertirse e reflexionar sobre as características da especie humana.

Calendario

Asistencia á conferencia "Como ganar la carrera de tus sueños"

Start: 12/11/2015 09:40

ACTIVIDADE COMPLEMENTARIA: Asistencia á conferencia "Como ganar la carrera de tus sueños"
	Día: 12 de novembro Hora: 09:40-12:00 Lugar: Edificio Xunta Lugo Para: 4ºESO e 1ºBAC

O alumnado desprazarase camiñando acompañados de profesorado.

Descrición da actividade:

O 12 de Novembro ás 11:00 h. terá lugar, no Salón de Actos do Edificio Administrativo da Xunta en Lugo, a conferencia "Como ganar la carrera de tus sueños".

A organización corre a cargo da Fundación Mutua General de Seguros. Na conferencia o piloto Isidre Esteve, trata de inspirar aos rapaces/as a partir das súas vivencias persoais e profesionais, tendo como fío condutor o grave accidente que o apartou das carreiras.

O profesor Joan Elías plantexa unha reflexión aos rapaces sobre os retos que lles depara o seu futuro e a necesidade de adaptarse a un entorno que cambia rápidamente.

ISIDRE ESTEVE: Piloto, durante moitos anos, de moto, participando varias veces no Paris-Dakar; logo de sufrir un grave accidente que o postrou nunha silla de rodas, participa en raids con un vehículo adaptado.

JOAN ELIAS: Licenciado en Comunicación, Máster en Marketing e RR. HH. Coach de Dirección. Profesor na Escuela de Alta Dirección de Barcelona.

O acto contará coa presenza de de Xosé Ramón Lete Lasa, Secretario Xeral para o Deporte .

Calendario

Asistencia á representación da obra teatral "¡Vaya Tela!"

Start: 12/11/2015 09:30

End: 12/11/2015 09:30

ACTIVIDADE COMPLEMENTARIA: Asistencia ao teatro
	Día: 12 de novembro Hora: 09:30-12:00 Lugar: Auditorio de Lugo Para: 3º ESO

O alumnado desprazarase camiñando acompañados de profesorado.

Descrición da actividade:

O grupo de traballo "Lugo, Cidade polo Comercio Xusto", do que forman parte as asociacións A Cova da Terra, Asemblea de Cooperación Pola Paz, Bico de Grao e Manos Unidas e Fundación Taller de Solidariedad, convídanos ao espectáculo ¡VAYA TELA! que representará en Lugo a compañía catalá Xucrut Teatre.

O espectáculo nace por mor dun encargo da Compañía Roupa Limpa, na primavera de 2010, para crear unha peza de teatro que falase do consumo de roupa e puidese chegar a un público amplo.

Xucrut Teatro penetrouse nun proceso de creación co espírito de abordar o tema do consumo de roupa con humor e crear, así, un clima propicio para abrir debate co público ao finalizar a función. A peza teatral ten unha duración de 40 minutos en clave de comedia, cun ritmo rápido e fluído. Despois dáse paso a un foro que pode ter unha duración de 40 a 60 minutos.

Calendario

Participación nun estudo do Instituto Pluridisciplinar da UCM

Start: 09/11/2015 00:55

Participación nun estudo financiado polo Ministerio de Economía e Competitividade (MINECO):

Persoal da Unidade de cartografía cerebral do Instituto Pluridisciplinar da Universidade Complutense de Madrid desplazarase o 9 de novembro ata o noso centro, porque alumnado da ESO participará nun estudo de investigación que están a realizar.

* O alumnado que participe conta coa debida autorización dos seus pais, nais ou titores legais.

Calendario

Obradoiro "La aventura de Diana"

Start: 09/11/2015 10:30

End: 09/11/2015 14:20

ACTIVIDADE COMPLEMENTARIA: Visita ao CEI NODUS - Obradoiro
	Día: 09 de novembro Organiza: Dpto. Administración Hora: 10:30-14:20 Lugar: CEI Nodus Lugo Para: 1º CS ADMFIN (ord.)

Descrición da actividade:

“La Aventura de Diana” é un proxecto metodolóxico baseado nunha novela empresarial orientada a facilitar aos emprendedores/as conceptos, referencias, ferramentas e aprendizaxes sobre innovación e emprendemento.

Os talleres toman as referencias do libro do mesmo nome e polo tanto é o seu autor Nacho Villoch o encargado de trasladar ese coñecemento aos emprendedores e emprendedoras, empresarios e empresarias.

Calendario

Presentación Club de Lectura - Nivel I

Start: 05/11/2015 12:40

Presentación
Animádevos a ler o primeiro libro!!!

Escarlatina, a cociñeira defunta. Ledicia Costas

Sinopse:

Como Román Casas quería ser un auténtico chef, pediulle aos seus pais un curso de cociña para o seu décimo aniversario, que coincide co Día de Defuntos, a festa dos mortos. E nese día tan especial recibiu un megasusto, un agasallo moi singular, un cadaleito acompañado dun sobre negro onde viñan as instrucións para activar a Escarlatina, unha cociñeira falecida no século XIX que nunca se separa de Lady Horreur, un arrepiante arañón con acento francés. A bordo do mortobús, os tres novos amigos e mais o gato Dodoto viaxarán ao Inframundo, onde os defuntos viven baixo as ordes de Amanito, o tirano que goberna no Alén coa axuda dos funguiños: os seus terroríficos esbirros. Unha ducia de moi gorentosas e larpeiras receitas, as máis sabedeiras do mundo dos vivos e dos mortos, dan paso a cada un dos bocados desta historia de humor macabro que estimula o apetito do lector e a curiosidade polo mundo da cociña.

Premios:
5ª edición - Premio Merlín de Literatura Infantil 2014 - Premio Fervenzas Literarias ao Mellor Libro Infantil 2014 -Premio Fervenzas Literarias á Mellor Portada de LIX 2014 - Premio Neira Vilas ao mellor libro Infantil e Xuvenil do ano 2014 - Premio Nacional de Literatura Infantil, 2015

Fonte da información: http://www.xerais.es/ Enlace a web externa

Calendario

Videoconferencia: "A máquina que constrúe a mente e a realidade"

Start: 04/11/2015 12:30

End: 04/11/2015 13:30

ACTIVIDADE COMPLEMENTARIA: Videoconferencia A máquina que constrúe a mente e a realidade
		Día: 04 de novembro Horas: 12:30 ás 13:30 h Lugar: Salón de actos Para: 4º ESO, 1º e 2º INFOFI

A Coordinadora Galega de ENDL convídanos a participar nesta videoconferencia, con motivo da celebración do VI Día da Ciencia en Galego.

Relator: Xurxo Mariño Alfonso.

Todo o que somos cada un de nós, o que percibimos, o noso "eu", as emocións cotiás, todo iso é unha construción elaborada por unha máquina que levamos dentro do cranio: o encéfalo. Aí dentro temos miles de millóns de células, as neuronas, que utilizan a electricidade para comunicarse entre elas e, dese xeito, crear a mente e a realidade. Como funciona esa máquina da mente? A onde vai o "eu" cando durmimos? Poden construírse máquinas artificiais que teñan mente?.

Máis información

Calendario

Unidade móbil de doazón de sangue no noso instituto.

Start: 28/10/2015 09:30

End: 28/10/2015 21:00

ACTIVIDADE COMPLEMENTARIA: Unidade móbil de doazón de sangue no instituto.
		Día: 28 de outubro Horas: 9:30 ás 14:30/15:30 ás 21h Lugar: Fronte á entrada principal (no aparcadoiro) Para: + 18 anos, sans e + 50 K

O sangue non se pode fabricar.

Cada día os hospitais galegos precisan 500 doazóns de sangue para facer operacións, atender as urxencias, os transplantes e tratar moitas enfermidades. Se tes máis de 18 anos, es san e tes máis de 50 quilos de peso non quedes indiferente. Son poucos os motivos que impiden doar e moitas as razóns para facelo.

15 minutos de teu tempo poden resolver moitos problemas de saúde ou salvar vidas. Non debes acudir sen almorzar e despois do xantar tes que deixar pasar dúas horas. Persoal sanitario revisará o teu estado de saúde e utilizará material estéril e dun só uso. Na dozaón NON existe risco de contraer enfermidades transmisibles polo sangue. Doar sangue é voluntario e altruísta. Non se paga a doazón nin se lle cobra ao enfermo o sangue que recibe. Da túa doazón obtéñense tres compoñentes sanguíneos que se utilizan para diferentes problemas de saúde.

Se é a primeira doazón, achegarse co DNI.

Web do Centro de Transfusión de Sangue de Galicia