Actividades extraescolares

Unidade móbil de doazón de sangue no instituto

Start: 03/11/2016 09:30

ACTIVIDADE COMPLEMENTARIA: Unidade móbil de doazón de sangue no instituto.
	Día: 03 de novembro Horas: 9:30 ás 14:30/15:30 ás 21h Lugar: Fronte á entrada principal (no aparcadoiro) Para: + 18 anos, sans e + 50 K

O sangue non se pode fabricar.

Cada día os hospitais galegos precisan 500 doazóns de sangue para facer operacións, atender as urxencias, os transplantes e tratar moitas enfermidades. Se tes máis de 18 anos, es san e tes máis de 50 quilos de peso non quedes indiferente. Son poucos os motivos que impiden doar e moitas as razóns para facelo.

15 minutos de teu tempo poden resolver moitos problemas de saúde ou salvar vidas. Non debes acudir sen almorzar e despois do xantar tes que deixar pasar dúas horas. Persoal sanitario revisará o teu estado de saúde e utilizará material estéril e dun só uso. Na dozaón NON existe risco de contraer enfermidades transmisibles polo sangue. Doar sangue é voluntario e altruísta. Non se paga a doazón nin se lle cobra ao enfermo o sangue que recibe. Da túa doazón obtéñense tres compoñentes sanguíneos que se utilizan para diferentes problemas de saúde.

Se é a primeira doazón, achegarse co DNI.

Web da Axencia Galega de doazón de órganos e sangue

Calendario

Charla dun misioneiro comboniano

Start: 21/10/2016 11:50

ACTIVIDADE COMPLEMENTARIA: Charla dun Misioneiro
		Día: 21 de outubro Para: (consultar táboa) Horas: (consultar táboa) Lugar: Salón de actos

Juan Antonio Fraile Gómez é sacerdote e membro dos Misioneiros Combonianos (combonianos.es). Un madrileño que actualmente se atopa traballando na República Democrática do Congo desde o ano 1994.

Impartirá estas charlas no salón de actos do IES Muralla Romana. Organizadas polo Departamento de Relixión co gallo da Xornada Mundial das Misións (23 de outubro).

11:50 h - 12:40 h : 1º ESO-B

12:40 h - 13:30 h : 4º ESO-A

13:30 h - 14:20 h : 3º ESO A, B e PMAR

Calendario

Obradoiros de educación ambiental

Start: 20/06/2016 10:30

End: 21/06/2016 14:20

ACTIVIDADE COMPLEMENTARIA: Obradoiros Educación Ambiental
		Días: 20 de xuño..... 1º ESO 21 de xuño..... 2º ESO Hora: 10:30-14:20 Lugar: Aula 105

Adega oferta unha serie de actividades de educación a centros de ensino secundario de toda Galiza. A relación das actividades que se van realizar no IES Muralla Romana pódense ver na táboa, un dos obradoiros é de reciclaxe de papel e o outro, sobre biodiesel obtido a partir de lixo.

Luns, 20 xuño

PAPEL

Martes, 21 xuño

BIOSIESEL

10:30 a 14:20

1º ESO-A

1º ESO-B

1º ACC

2º ESO-A

2º ESO-B

2º ACC

Só asistirá o alumnado que non teña partes ou teña menos de dous.

Calendario

Mariñeiros por un día

Start: 17/06/2016 08:30

ACTIVIDADE EXTRAESCOLAR: Mariñeiros por un día

Día: 17 de xuño
Hora: 08:30-17:30
Lugar: Celeiro
Para: 1º e 2º ESO

Organizada pola Cofradía de Pescadores “Santiago Apóstolo” de Celeiro coa colaboración da Consellería de Cultura, Educación e Ordenación Universitaria.

Que debemos ter en conta á hora de realizar a visita?

É importante:

- levar roupa e calzado de abrigo (se é impermeable, mellor)
- facer caso ás indicacións dos guías e profesores
- En caso de ter algún tipo de alerxia alimentaria comunicala ao profesor ou responsable do centro prestar atención e gozar desta experiencia única!.

As actividades terán lugar nas inmediacións portuarias de Celeiro, e consisten nunha visita guiada a través das mesmas.

10:00 h- Recepción dos participantes na lonxa de Celeiro

Benvida e breve presentación do proxecto e das actividades no salón de actos da empresa Porto de Celeiro S.A., con indicacións de seguridade para a visita á lonxa.

10:15-11:00- Visita guiada pola lonxa pesqueira

Realizarase un percorrido para coñecer paso a paso, como descargan os barcos, como se vende o peixe e como se prepara para a súa distribución. Preténdese realizar tamén un simulacro de poxa no que poden participar os escolares.

11:15-11:35- Visita ao heliporto de Salvamento Marítimo

Na mesma base de salvamento do helicóptero Pesca 2, o piloto e rescatadores explicarán en que consiste o seu traballo e como é o día a día nas instalacións da base.

11:45-12:15- Taller do Pescador

Nunha sala da Confraría de pescadores habilitada exclusivamente para a actividade, os escolares poderán vestirse como un mariñeiro e coñecerán de primeira man as artes e aparellos por eles utilizados, así como as principais especies que capturan na zona.

12:30-13:00- Visita ao Centro de Formación Vicente Gradaille

O Director do centro porá en funcionamento diversos instrumentos de comunicación para que os participantes comproben como se comunican os barcos entre si e coas estacións en terra.

13:15-14:15- Comida-degustación de produtos do mar

Nun restaurante da zona, os escolares acabarán a xornada cunha comida baseada en produtos do mar, onde se divulgarán as propiedades beneficiosas que ten o peixe para un crecemento saudable tanto físico como intelectual.

Antes do regreso a Lugo, farase un descanso no Castro de Fazouro, onde aproveitarase o lugar para ler algunha lenda galega e poemas, coordinado dende o Club de Lectura do centro.

Calendario

Viaxe lúdico-cultural a Ferrol e Fene

Start: 09/06/2016 08:50

ACTIVIDADE EXTRAESCOLAR: Viaxe lúdico-cultural a Ferrol-Fene
	Día: 9 de xuño Hora: 08:50-19:00 Lugar: Ferrol-Fene Para: 1º INFOFI e 3ºPMAR

Alumnado de 1º do Ciclo Básico de Informática de oficina e o 3º PMAR visitarán EXPONAV - Exposición Nacional da Construcción Naval, que conta cunha impresionante exposición museo dedicada ao mundo da construción naval. Aproveitarán a viaxe para visitar pola tarde o MUSEO DO HUMOR, en Fene.

Recoméndase levar calzado cómodo, comida e bebida da casa. Dependendo do tempo, desprazaranse ata a praia nos pequenos descansos entre visita e visita.

Fotografías

Calendario

Gañador no concurso 'Atrévete a ter unha idea!'

O 3 de xuño durante a clausura do programa 'Eduemprende Atrévete 2015-2016' entregáronse os galardóns ás mellores propostas de emprendemento. No caso de Lugo, na categoría de 2º ESO resultou premiado o traballo de Alejandro Muñoz Seoane, do IES Muralla Romana.

Na fotografía aparecen o Conselleiro de Cultura, Educación e Ordenación Universitaria, Román Rodríguez; o director do IES Muralla Romana, José Antonio Corredoira; a profesora, Mª Luisa Díaz Cadenas, que coordinou ao seu alumnado nesta actividade e o premiado antes mencionado coa súa nai.

Ampliar fotografía

Máis información

Alumnado do IES Muralla Romana, 2º posto nun Concurso Nacional de Programación

ProgramaME 2016

O pasado venres, 3 de xuño de 2016, celebrouse na Facultade de Informática da Universidade Complutense de Madrid a V Final Nacional de ProgramaMe, concurso español de programación para alumnos matriculados en Ciclos Formativos de Formación Profesional. Participaron 21 equipos clasificados nas edicións rexionais.

Nesta final nacional, o equipo lucense Constructores formado por Jesús Rodríguez Núñez, Sol González-Ruiz Carcur e Eloy Pardo Rouco, quedaron no 2º posto deste prestixioso concurso de programación. Os tres son alumnos do Ciclo Superior de Desenvolvemento de Aplicacións Web do IES Muralla Romana e estiveron titorados por Máximo Fernández López, profesor do Departamento de Informática e Comunicacións do instituto.

Cada un dos tres membros do equipo levou de premio un fabuloso Parrot Quadricóptero AR.Drone 2.0 Elite Snow. Pero non só é o premio material o importante, senón o poder sentirse orgullosos de formar parte dunha excelente canteira de programadores informáticos 'made in Lugo'.

Visita cultural Lugo Romano

Start: 06/06/2016 14:20

ACTIVIDADE COMPLEMENTARIA: Visita cultural LUGO ROMANO
		Día: 06 de xuño Hora: 16:50-18:50 Lugar: Lugo centro Para: 4ºESO (alumnado de Latín)

Visita a diferentes lugares da cidade de Lugo de interese arqueolóxico.

O Lugo romano é algo máis que a muralla. Debaixo da cidade actual escóndese a antiga Lucus Augusti. A gran cantidade de restos arqueolóxicos atopados confírmana como unha auténtica cidade romana, xa que presenta os seus elementos definidores (foro, calzadas, termas, templos, necrópoles, acueduto...). Os/as alumnos/as coñecerán parte destes restos que están musealizados e farán un percorrido polo Lugo Romano.

Calendario

VI Concurso Europeo de Marcapáxinas

David Vila Pérez, alumno de 4º ESO, recibe o TERCEIRO PREMIO no VI Concurso Europeo de Marcapáxinas.

Ao concurso presentáronse máis de 100 marcapáxinas a través do proxecto eTwinning Letras Galegas 2016 – Manuel María.

Do noso centro participaron alumnado de 4º ESO e tamén de 1º de SIMIRE, animados pola profesora Mª Jesús Rego Rodríguez, interesada en promover a colaboración escolar con outros centros europeos, utilizando as tecnoloxías da información e a comunicación.

Desde aquí desexámoslles os nosos parabéns tanto a David como a súa profesora; animándovos a todos e todas a seguir participando nestes proxectos.

anverso reverso

Nestas imaxes podedes ver o marcapáxinas realizado por David e que mereceu o premio no concurso deste ano.

Visita á Casa Museo Manuel María

Start: 06/05/2016 16:00

ACTIVIDADE EXTRAESCOLAR: Visita á Casa-Museo Manuel María
	Día: 6 de xuño Organiza: Dpto. Lingua Galega Hora: 16:00-18:30 Lugar: Outeiro de Rei Para: 2º ESO A e B (sen ACC) e 3ºESO-B (con PMAR)

Alumnado de 2º e de 3º ESO visitarán a Casa-Museo Manuel María, Casa das Hortas. Achegaranse até Outeiro de Rei para visitaren a casa natal do poeta, hoxe convertida en Casa-Museo. Poderán coñecer así un pouco mellor ao escritor homenaxeado este ano polas Letras Galegas; percorrendo a casa onde nacera (1929) e pasara a súa infancia.