Actividades extraescolares

ACTIVIDADE COMPLEMENTARIA: Charla "Introdución aos sistemas ERP. Unha visión práctica"
		Día:         24 de abril Organiza:  Dpto. Informática Hora:        17:00-19:00 Lugar:       Salón de Actos

Esta charla está programada para o alumnado do módulo “Sistemas de xestión empresarial” de 2º de DAW, e o alumnado do módulo “Linguaxe de marcas e sistemas de xestión da información” dos cursos: 1º de DAM, 1º de DAW, 1º de ADSIINRE ordinario e 1º de ADSIINRE adultos.

Ponentes: Omar Castiñeira e Kiko Sánchez da empresa COMUNITEA.

Comunitea desenvolve proxectos e aplica sistemas de xestión de empresas que permiten ás empresas optimizar os seus recursos con xestión intelixente (ERP).

Con máis dunha década de experiencia, traballan con Odoo (OpenERP) para axudar a aumentar a produtividade, aumentar as vendas e mellorar o traballo diario.

Máis información:

ACTIVIDADE COMPLEMENTARIA: PROGRAMA ATRÉVETE
		Día:        21 de abril Hora:      09:40 ás aprox. 13:00. Para:       2º ESO

Xornada de fomento do emprendemento para Educación Secundaria Obrigatoria. Dirixida a alumnado de 2º curso de ESO. Organizada pola Consellería de Cultura, Educación e Ordenación Universitaria e a Confederación de empresarios de Lugo.

PROGRAMA DA ACTIVIDADE:

Que farán?

09:40 h Saída desde o instituto

10:00 h Benvida dos representantes da Confederación de empresarios de Lugo.

10:30 h Reunión cun emprendedor ou emprendedora.

11:00 h Visita á empresa  Maderas Besteiro

Ao remate da visita, regreso ao instituto.

Lugares de celebración

Fundación CEL – Iniciativas por Lugo
Pazo de Feiras e Congresos de Lugo, El Palomar S/N - Lugo

Maderas Besteiro, Ctra. de Friol, km 1 - 27233 Lugo

ACTIVIDADE COMPLEMENTARIA: A IMPROVISACIÓN: UNHA FERRAMENTA DE CREACIÓN MUSICAL

Día:      07  de abril Hora:    10:00 ás aprox. 13:00. Para:                 2ºESO-A, B e PMAR             3ºESO-A, B e PMAR             4ºESO-A e B Lugar: Museo Interactivo da Historia de Lugo (MIHL) Só alumnado de Música

Alumnado de música asistirá ao concerto didáctico “A IMPROVISACIÓN: UNHA FERRAMENTA DE CREACIÓN MUSICAL", que forma parte do Ciclo de Música Contemporánea de Lugo “MIHLSons-XXI”. Sairán do instituto ás 10:00h, o concerto dará comenzo ás 11:00h. cunha duración aproximada de dúas horas.

Programa :

Compositores: Javier Álvarez, Vinko Globokar e No collective
Presentación do concerto e interpretación: Luis Tabuenca (percusión)

- Improvisación I

- No Collective El título de esta pieza es...(2009) percusión

- Vinko Globokar ?Corporel (1985) percusión corporal

- Improvisación II

- Javier Álvarez Temazcal (1985) maracas e electrónica

Sinopse:

"O programa deste concerto foi escollido en base á premisa de poder mostrar ós asistentes exemplos de solos para percusión que experimentan cos seguintes aspectos musicais:

- Diferentes formas de notación musical

- Exploración tímbrica

- Uso non convencional dos instrumentos musicais

- Emprego da improvisación"

ACTIVIDADE COMPLEMENTARIA: O SABOR DA AVENTURA ESTÁ NO MAR
		Día:       31de marzo Para:      2ºESO, 3ºPMAR e 1ºPEIEST  Hora:      de 08:50 a 14:20 h Lugar:     San Cibrao-Burela PROGRAMA DA ACTIVIDADE

É unha modalidade do programa "Aliméntate ben" (Plan Proxecta).

Trátase dunha iniciativa deseñada pola Consellería do Mar para transmitir aos rapaces e rapazas a importancia dos produtos do mar na dieta e o fomento do seu consumo.

O programa artéllase arredor de dúas actividades:

1) Realización de obradoiros (mércores, 25 de xaneiro)
Para chegar aos estudantes deseñaron de xeito lúdico un obradoiro educativo, que os motive no consumo de produtos do mar, que fomente o seu interese por este produto e polas posibilidades que ofrece. A empresa de Marexada. Deporte, Lecer e Cultura S.L. é a encargada de realizar nos centros estes obradoiros.

Este curso, no noso centro, faranse dous obradoiros para cubrir aos 70 alumnos e alumnas inscritos.
En canto á temática:
- verán un vídeo promocional de "O sabor da aventura está no mar"
- recibirán a explicación do xogo educativo a realizar: coa axuda das novas tecnoloxías buscarán información sobre a temática do mar: a pesca, os diferentes peixes e as súas propiedades, formas de comelos e falarán do coidado do mar.
Entre todos farán unha posta en común xeral da información obtida, agasallando con premios para os que mellor a presenten.

2) Realización de excursión a unha localidade costeira (prevista para o 31 de marzo - 2ºESO, 3ºPMAR e 1ºPEIEST)

O alumnado participante nesta excursión realizará visitas didácticas nas que terá a oportunidade de captar cos cinco sentidos a singularidade e as características do traballo dos colectivos de profesionais do mar, o recoñecemento da calidade dos produtos que capturan, así como as súas propiedades nutritivas, o seu sabor e textura nos menús.
Trátase de que o alumnado participante constrúa a súa propia aprendizaxe en relación coa pesca artesanal, o marisqueo e a acuicultura, integrando coñecementos sobre a extracción sostible e venda dos distintos produtos, sobre aspectos nutricionais e gastronómicos, e aspectos da cultura mariñeira a través dos diferentes recursos patrimoniais existentes nas localidades litorais visitadas.
A excursión terá unha duración dunha xornada de mañá e contémplanse as seguintes actividades:

a. Traslado en autobús a unha localidade costeira
b. Visita ao museo do mar en San cibrao
c. Cátering de produtos do mar
d. Visita complementaria: mostrará os distintos procesos acuícolas e a cultura mariñeira a través da oferta etnográfica e paisaxística de cada localidade

Fonte da información: na convocatoria e en www.ardoraonline.com

Ligazón a contidos: www.osabordaaventruaestanomar.com