Actividades extraescolares IES Muralla Romana

VISITA AO PARLAMENTO DE GALICIA

Start: 25/11/2021 08:55

End: 25/11/2021 15:00

Visita guiada ao Parlamento de Galicia co fin de coñecer de primeira man o funcionamento da institución.

DÍA: XOVES 25 DE NOVEMBRO

HORARIO: Saída do centro ás 08:55h e regreso ás15:00h.

DESTINO: Santiago de Compostela

CURSOS: 1ºADMFIN_A, 1ºADMFIN_B e 1ºASIADIR_A

Calendario

IV EDICIÓN SPORTUR GALICIA

Start: 19/11/2021 09:00

End: 19/11/2021 20:00

Visita ó recinto de Expourense para asistir á feira do Deporte e Turismo Activo co fin de coñecer a situación do sector e as claves para a reactivación do turismo activo e deportivo.

DÍA: VENRES 19 DE NOVEMBRO

HORARIO: saída do centro ás 9:00h, regreso (aproximado) 19:00h

DESTINO: Ourense

CURSO: 2ºASIADIR_A

Calendario

I TORNEO DE XADREZ

COMEZA O I TORNEO DE XADREZ DO IES MURALLA ROMANA.

Os 24 participantes poñerán a proba a súa axilidade e destreza para poder chegar ata a final; aínda que o camiño percorrido para chegar ata ela estará cheo de xogo, aprendizaxe e inesquecibles momentos compartidos.

As partidas desenvolveranse no tempo de lecer dos luns e mércores de cada semana.

ÁNIMO E que tardedes en dicir: XAQUE MATE!

Como podedes comprobar, todo un éxito os primeiros encontros!

Ler máis

XORNADAS "VIDEOXOGOS E REALIDADE VIRTUAL"

Desenvolveranse no salón de actos do centro dende o 29 de novembro ao 3 de decembro en horario de 18:00h - 20:00h.

Dirixidas a: curso de Especialización en Desenvolvemento de Videoxogos e Realidade virtual e aos segundos cursos dos ciclos de Administración de Sistemas Informáticos e en Rede, Desenvolvemento de Aplicacións Multiplataforma e Desenvolvemento de Aplicacións Web.

VISITA FORMATIVA AO BALNEARIO DE LUGO

A mañá do 26 de novembro as alumnas de 2ºCS de ESTÉTICA INTEGRAL E BENESTAR visitaron o balneario da nosa cidade.

Ler máis

DÍA CONTRA A VIOLENCIA DE XÉNERO. NON MÁIS BÁGOAS!

Toda a comunidade educativa participou ao longo deste mes de novembro nas actividades que realizamos para lembrar que somos moitas as voces que din moi alto:

NON QUEREMOS MÁIS BÁGOAS!

E como di Carlos Negro, "NUNCA ME PINTES COSTURAS NOS LABIOS"

Premendo nesta ligazón ou na imaxe veredes todo o que nos uniu e nos unirá ata que se poña fin a este tipo de violencia.

VISITA AO PARLAMENTO DE GALICIA

O xoves 25 de novembro, o alumnado de 1ºADMFIN_A, _B e 1ºASIADIR realizou unha visita guiada ao Parlamento de Galicia para coñecer de primeira man o funcionamento desta institución.

VISITA AO CEI-NODUS, LUGO

O luns 22 de novembro, o alumnado de 2ºADMFIN_A e 2ºASIADIR_A realizaron unha visita guiada ao CEI-NODUS do Concello de Lugo co fin de coñecer a actividade que o centro leva a cabo no campo do emprendemento.

Ler máis

2ºASIADIR_A VISITA SPORTUR_OURENSE

O venres 19 de novembro, o alumnado de 2ºASIADIR_A visitou o recinto Expourense para asistir á IV feira do Deporte e Turismo Activo co fin de coñecer a situación do sector e as claves para a súa reactivación.

BASES PARA PARTICIPAR NO CALENDARIO "O ANO DOS SENTIDOS"

Poderá participar no concurso para elaborar o calendario do ano 2022 toda a comunidade educativa (preferentemente alumnado) do IES MURALLA ROMANA.

A temática do concurso será "O ANO DOS SENTIDOS". Non se publicarán nin aceptarán arquivos con contidos contrarios ao dereito á honra, á intimidade persoal e familiar ou á propia imaxe das persoas, nin ningún outro que sexa contrario á legalidade vixente.

As fotografías ou ilustracións presentaranse en formato dixital. Deben ser arquivos preferiblemente JPG ou PNG e con boa resolución (calidade), preferiblemente en formato apaisado. O peso do arquivo non debe superar un máximo de 10 Megabytes (10MB). O nome do arquivo incluirá o nome e primeiro apelido do autor/-a e a palabra elixida para o sentido que reflicte a fotografía/ilustración. Exemplo: NomeApelido_agarimoso.jpg.

Cada fotografía enviarase por correo electrónico ao enderezo durotraballo18@gmail.com co asunto da mensaxe “Calendario. O ano dos sentidos”. Tamén se poderán presentar as fotografías nun pendrive entregándoo en vicedirección.

O período de envío de fotografías remata o 30 de novembro de 2021, inclusive.