Actividades extraescolares IES Muralla Romana

PROGRAMA EN RADIO LLAMA

Bradreddine e Andrea (alumno e alumna de 2ºASIADIR) realizaron e montaron este programa da radio escolar, "Radio Llama", no que entrevistaron a alumnas participantes no X concurso "Lucus Intercentros" (actividade cancelada debido á situación sanitaria actual) e remataron achegándonos información sobre a actualidade musical. Este programa foi emitido en directo para a toda a comunidade educativa e gravado para compartilo con todos e todas.

TALLER DE TRATAMENTOS FACIAIS E CORPORAIS

Susana Vizcaíno, técnica da casa Prodube, impartiu un taller formativo en tratamentos faciais (demostración) e corporais ao alumnado de 1º ASIMPE e 1ºESINBE no taller de Imaxe Persoal.

ACTIVIDADE FORMATIVA NA CORUÑA

Start: 23/02/2022 09:10

End: 23/02/2022 20:30

ACTIVIDADE FORMATIVA NA CORUÑA

PROGRAMA:

Mañá: visita á Casa del Agua, TERMARIA.

Tarde: visita á DOMUS e paseo polo centro da cidade.

ALUMNADO: 2ºCS ESINBE

Saída do centro: 09:10h

Chegada: 20:30h

Calendario

PREPARANDO A GRADUACIÓN

Este xoves estivo na biblioteca do centro Inmaculada Purriños sacando as fotos para a orla dos ciclos de réxime ordinario que se gradúan este ano. Este evento, que se realizará en marzo, está organizado polas alumnas do 2ºCS de Asistencia á Dirección, Ana, Irene, Cristina e Natalia.

TALLER DE FORMACIÓN EN MAQUILLAXE SOCIAL

O alumnado de 1ºASIMPE participou nun taller formativo sobre maquillaxe social, impartido por Susana Vizcaíno, técnica da casa comercial Prodube.

Fotos do taller

ENTREGA DE PREMIOS I TORNEO XADREZ

Hoxe realizouse a entrega de premios aos /ás finalistas do I TORNEO DE XADREZ e agradecemos a colaboración do alumnado que actuou como presentadores/as e dinamizadores/as do evento por facelo así de ben, sen esquecer felicitasr a todos e todas os participantes ao longo do torneo por amosar que o tempo de lecer sempre abre camiños e ao profesor e profesora coordinadores que fixeron posible achegar este deporte ao alumnado.

Imaxes dos presentadores e do gañador -Samuel- acompañado por Gabriel, profesor organizador e encargado de entregar os premios.

Premendo neste enlace poderedes ver as fotos da entrega de premios.

Achegamos o vídeo realizado por Yolanda, profesora organizadora do torneo, para lembrar esta gratificadora experiencia.

PARABÉNS AO GAÑADOR!

PARABÉNS AOS PARTICIPANTES!

PARABÉNS AOS/ÁS ORGANIZADORES/AS!

Agardámosvos o seguinte curso no II TORNEO DE XADREZ.

ASISTENCIA Á REPRESENTACIÓN TEATRAL, LEONARDO E OS BIOSBARDOS

O alumnado de 1ºESO e 2º ESO asistiu á representación teatral, Leonardo e os biosbardos, posta en escena pola compañía "A Xanela do Maxín". Baseada na obra de Blanco Amor, tratáronse temas como a superación dos medos, vencer as adversidades e plantarlle cara aos problemas.

RESULTADO DO TORNEO DE VOLEIBOL

Ao longo das xornadas realizadas no período de lecer e nas que participaron un amplo número de alumnos e alumnas de todas as idades, só temos que reafirmar que: "Presta de verdade ver a tanta xente facer deporte xuntos, desfrutando do xogo, esquecéndose de problemas e aprendendo a saber gañar e perder".

Deixámosvos co equipo gañador (4ºESOB) do torneo de voleibol e co segundo clasificado (3ºESOA).

PARABÉNS A TODOS OS PARTICIPANTES!

Lembramos que agora estase a disputar o torneo de bádminton e logo comezarase co de brilé.

ASISTENCIA Á REPRESENTACIÓN LEONARDO E OS BIOSBARDOS

Start: 07/02/2022 12:10

End: 07/02/2022 13:40

O alumnado de 1ºESO e 2º ESO asistirá á representación teatral, Leonardo e os biosbardos, posta en escena pola compañía "A Xanela do Maxín". Baseada na obra de Blanco Amor, trataranse temas como a superación dos medos, vencer as adversidades e plantarlle cara aos problemas.

Lugar: Auditorio Gustavo Freire

Horario: 12:10h - 13:40h (aproximadamente)