EDUinnova

Transformouse o taller de debuxo nun espazo flexible dotandoo dos recursos necesarios para promover o clima, as interaccións e a contorna adecuadas para aplicar metodoloxías activas e un modelo pedagóxico innovador. A importancia do ámbito artístico para a innovación e o desenvolvemento fan do obradoiro de debuxo un núcleo de acción para a transformación educativa. O modelo de Ecosistema A+I+D+i promove un modelo de ensino activo e presenta unha solución para resolver as tensións existentes entre o contexto social, económico e político e os espazos educativos actuais.  Transformar o obradoiro de debuxo nun ambiente flexible e dotalo dos recursos necesarios que xeren o clima, as interaccións e o ambiente adecuados é unha tarefa complexa que require superar diferentes obstáculos. No noso caso o maior obstáculo é o espazo como recurso. O Taller de Debuxo actualmente divídese en dúas partes, unha das partes se destina a outros fins e só contamos con 55 m2 aproximadamente, o que limita o seu uso a grupos e materias optativas cun límite de 10 alumnos. O espazo dispoñible está lonxe dos 250 m2 que ocupa o Future Classroom Lab e os 110 m2 que a lei educativa española prevé, como mínimo, para o obradoiro de debuxo.

Actualmente o sistema funciona case por completo para grupos de 10 estudantes e agardamos nos próximos anos poidamos acadar o obxectivo de atender a grupos completos duns 20 alumnos.

- Diseminación do coñecemento presentando na “VIII Reunión Científica de Jóvenes Investigadores” o póster científico “Del taller de dibujo al ecosistema A+i+D+I Lab”.  As xornadas desenvolvéronse na Facultade de Formación do Profesorado de Lugo, en colaboración coa Universidade de Oviedo, a Universidade de Santiago de Compostela, Universidade de A Coruña e a Universidade de Vigo. O póster ademais exhibiuse na entrada do noso centro.