Blog da Biblioteca
PREMIOS ÁS MELLORES AXENDAS ESCOLARES
Hoxe entregáronse na biblioteca A Esperela os premios polo bo uso e aproveitamento da axenda escolar do noso instituto.Foron uns recoñecementos emocionantes e divertidos.No segundo trimestre haberá máis!!!!
SESIÓN DE ATRAPASOÑOS DE 3º E 4º DE ESO .
 |
A xuntanza do club de lectura de hoxe xirará arredor da obra de Fran Alonso titulada Cartas de amor. Centrarase no relato titulado "Lonxe", que amosa o desarraigo sufrido polas persoas que teñen que deixar o seu lugar de vida para emigrar a outro país. Máis información no blog |
CONTACONTOS INGLÉS- GALEGO
Hoxe o alumnado do centro asistiu á actividade de contacontos en inglés e galego, da man das narradoras Patricia McGill e Charo Pita. Estas contadoras profesionais versionaron algúns relatos da tradición oral nos que apareceron bruxas,cabaleiros, paxariños metidos en problemas, damas encantadas e ata o mesmísimo rei Artur. A actividade,organizada polos departamentos de Inglés, Galego e Biblioteca , desenvolveuse en dúas sesións ( a primeira para o alumnado de 3º e 4º de ESO e a segunda para o alumnado de 1º e 2º ). Foi moi amena e interesante.
SESIÓN DE ATRAPASOÑOS DE 1º E 2º DE ESO .
 |
Hoxe , como todos os venres , houbo sesión do club de lectura Atrapasoños. Esta vez reuníronse os Atrapasoños pequenos de 1º e 2º de ESO. O conto escollido foi 7-X de Rosa Aneiros. |
MOSTEIRÓN CONTRA A VIOLENCIA MACHISTA
Para conmemorar o Día contra a Violencia Machista, A Esperela botou man do poemario de Carlos Negro "Masculino Singular". Seleccionamos varios poemas visuais e fixemos a nosa representación nun recanto de reflexión. O alumnado de 3º preparou unha performance para expresar a nosa repulsa contra o maltrato.
Fachada do CEIP
OBRADOIRO DE XORNALISMO NA ESPERELA
O alumnado de 4º contou este venres cun profesor de excepción, o xornalista Pablo Díaz, que entre outras moitas cousas, contou como os medios ofrecen a información sobre violencia machista.
SESIÓN DE ATRAPASOÑOS DE 1º E 2º DE ESO .
Hoxe , no recreo das 12.10 h, reunímonos os Atrapasoños de 1º e 2º de ESO, para ler textos contra da violencia de xénero.
Non faltedes. VER BLOG ATRAPASOÑOS.
" SOMOS UN POBO DE ARTISTAS", OBRADOIRO DE XURXO SOUTO.
Hoxe recibimos na biblioteca A Esperela ao polifacético Xurxo Souto que nos fixo un percorrido pola música galega das últimas décadas. Coma sempre , encheu a súa intervención de anécdotas e saberes das nosas xentes, que como el di "nunca nos contan". Encheu de enerxía os nosos corazóns ao recordarnos tantas cousas valiosas que nos rodean e que ás veces nin sequera vemos. Grazas, Xurxo.
OS ATRAPASOÑOS RETOMAN A SÚA ACTIVIDADE
 |
 |
Hoxe comezamos de novo a actividade dos Atrapasoños, o noso club de lectura. Foi unha grande satisfacción ter tanta asistencia neste novo encontro na biblioteca escolar. Na primeira sesión do curso o relato escollido foi o titulado "Once" de Sandra Cisneros, unha escritora, novelista e poeta estadounidense de ascendencia mexicana, moi coñecida polas súas obras A casa de Mango Street e Caramelo.
