Actividades Desenvolvidas
MAIO 2009
O mes de maio estivo cheo de actividades:
- O noso instituto participou de novo no Correlingua, para este ano preparamos unha pancarta reivindicando o uso do galego en diferentes ámbitos. Foi unha xornada festiva na que disfrutamos moito.
- Varios alumnos do Centro participaron no certame literario Luísa Villalta celebrado no IES Isac Díaz Pardo de Sada. Levamos unha grande alegría ao saber Brais Patiño e Paula García e Sabela Rodríguez gañaron os primeiro premio de poesía e o primero de relato e o terceiro de poesía respectivamente. Arrasaron!
- Con motivo da celebración do Día das Letras galegas, tivemos expostos nos corredores uns carteis informativos sobre Ramón Piñeiro, autor ao que se lle dedicaba este día no 2009.
- O ENDL e o Departamento de galego agasallaron a todos o membros do Centro cun marcapáxinas e un superlapis que só escribe en galego. Para que todos se animen a usar o noso idioma.
![MAIO 2009 MAIO 2009](https://www.edu.xunta.gal/centros/iesmosteiron/system/files/images/maio2009.jpg)
FOTOLIBRO 2009: PRESUME DE LER E DÉIXATE VER
No mes de abril, para celebrarmos o mes do libro, fíxose unha actividade moi bonita . Todos os membros do Instituto que quixeron , fixeron unha fotografía lendo un libro e recomendándollelo aos demais nunha breve reseña . Chamámoslle á actividade “ Presume de ler e déixate ver”.
Decoramos toda a entrada do Centro coas fotografías dunha chea de lectores. Para facer as fotos o ENDL contou coa importantísima axuda de Xacobe; o resto foi cousa de todos que participaron maioritariamente. Moitas grazas.
MARZO DE 2009
Durante este mes tivemos no instituto a exposición cedida por GALIX do cómic "COMPAÑEIROS" , do ilustrador Xosé Tomás , feito para conmemorar os feitos acontecidos durante a guerra civil no Portiño.
Contamos coa sorte de ter connosco a Xosé Tomás que nos agasallou cun obradoiro sobre cómic co que puidemos disfrutar moito.
Tamén con motivo do día da muller traballadora, colaboramos co concurso sobre mulleres científicas organizado desde o equipo da Biblioteca.
![MARZO DE 2009 MARZO DE 2009](https://www.edu.xunta.gal/centros/iesmosteiron/system/files/images/marzo%202009_0.jpg)
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »
![RSS - Actividades Desenvolvidas Distribuir contido](/centros/iesmosteiron/misc/feed.png)