Exposición sobre o cambio climático
O centro IES Monte da Vila foi invitado polo Concello do Grove a asistir a unha exposición guiada sobre o fenómeno do Cambio Climático. Esta exposición itinerante está organizada pola Consellería de Medio Ambiente e consta de cinco apartados: O Efecto Invernadoiro, Evidencias do Cambio Climático, Impactos do Cambio Climático, A Resposta Internacional ao Cambio Climático e A Resposta de Galicia. O alumnado asistente pertencía a 1º de Bacharelato e 4º da ESO e, en sesións de 45 minutos, distribuíronse ao longo da 2º, 3ª e 4ª horas da mañá do venres día 3 de febreiro.
A exposición foi moi dinámica e interesante e o alumnado participou de xeito activo respondendo ás preguntas e cuestións presentadas pola guía.
