Punto Laranxa contra o acoso escolar
Inicio

Curso 2022-2023

NETINVET 2022

Enviado por Zalaeta o Dom, 27/11/2022 - 17:28

Os días 17 e 18 de novembro, Helena Maseda, coordinadora de programas eurooeos, asistiu á reunión anual de NETINVET na cidade alemaña de Stuttgart.
A visita a NETINVET, que é unha Rede europea para a mobilidade de alumnado e profesorado no comercio internacional, o transporte e a loxística, e o mantemento de vehículos industriais, permitiu contactar con outros centros para organizar as futuras visitas de intercambio educativo dentro do ciclo ERASMUS 2021-2027.
Centros de Francia, Alemaña, Holanda, Italia, Finlandia, Portugal e España participaron neste foro de intercambio de experiencias e coñecementos.

#ZALACANCELO 2022/2023

Enviado por Zalaeta o Lun, 21/11/2022 - 12:18

O venres pasado as votacións en Instagram Stories determinaron os #ZalaCancelos para este curso 2022/2023, o curso do noso #50aniversario.
Na categoría de ESO o gañador foi David A., de 3.° ESO A, con #ZaLaniversario e na categoría ciclos, Fran H. gañou coa súa proposta #ZalaFesta.
Parabéns aos dous, pronto nos poñeremos en contacto para darvos o voso premio!

SAÍDA A MARINEDA CITY

Enviado por Zalaeta o Mar, 15/11/2022 - 12:47

O alumnado de 2.º curso de Xestión de Vendas e Espazos Comerciais (ordinario e dual) desprazouse a Marineda City para realizar unha das prácticas do módulo de Escaparatismo e Deseño de Espazos Comerciais, analizando o merchandising exterior e interior dos establecementos comerciais. Acompañáronos as súas profesoras, Sol Seoane e Isabel Suárez.

 

 

INCIDENCIA ABALAR MÓBIL

Enviado por Zalaeta o Mar, 15/11/2022 - 08:27

Estimadas familias,

Nos últimos días estamos a experimentar erros no funcionamento da aplicación Abalar Móbil. No día de hoxe non puideron enviarse os avisos de saída a última hora, ou enviáronse incorrectamente.

MARTES 15 DE NOVEMBRO: saídas a última hora da mañá

  • 3.º ESO C/D: francés
  • 2.º ESO B: inglés
  • 3.º ESO D: oratoria

PREMIO ZALATECNO

Enviado por Zalaeta o Lun, 14/11/2022 - 14:51
Durante a pasada semana mais de 800 escolares galegos de ESO e Bac participaron no Ágora na 12ªedición de "A maxia de robótica" Obradoiro o e concurso organizada por IGACIENCIA (Institución Galega de Ciencia) coa colaboración do da Concellería de educación de A Coruña no marco do seu programa formativo en Robótica e programación . Nesta fase participou con moito interese alumnado do noso centro, dos grupos de Educación dixital de 3º, Tecnoloxía de 4º de ESO, de Tecnoloxía e enxeñaría e de TICs de 1º de Bac.
 Como segunda parte desta actividade formativa tres grupos representaron ao alumnado de Zalaeta e participaron no Obradoiro e concurso de Drons: Guillermo, David e Rodrigo de 3.° da ESO, e Gianni, Noa e Pablo de 4.°e José e Javier de 1º de Bac, cós profesores Belén Abella, José Mendoza e Paz Freire.
 O grupo gañador  por ter obtido a mellor puntuación na competición tras superar os retos propostos foi o formado por Javier de la Cruz e José Francesch, de IES Menéndez Pidal, coa súa profesora Paz Freire.
 Mais información en Igaciencia e en Educa Coruña e nas redes do noso Club de ciencia e tecnoloxía ZalaTecno  (@zalatecno en Instagram, @tecnozala en Twitter) e en La Voz de Galicia
 
 
 

50 ANIVERSARIO - IES RAMÓN MENÉNDEZ PIDAL

Enviado por Zalaeta o Mér, 09/11/2022 - 07:02

O luns 7 de novembro, coincidindo coa celebración do 50 aniversario da apertura do instituto, o 6 de novembro de 1972, tivemos a honra de contar con convidados de excepción no noso centro: profesorado que desenvolveu parte da súa traxectoria profesional no instituto e que, por unhas horas, voltou ás aulas para compartir co alumnado experiencias e lembranzas do seu paso polo centro.
Queremos agradecervos a vosa presenza hoxe, no día que celebramos o 50 aniversario do Zalaeta.
Non esquezades voltar, porque este tamén é o voso instituto, e botámosvos moito de menos!

Últimos Artigos

máis

Theme by Danetsoft and Danang Probo Sayekti inspired by Maksimer