No día de hoxe incorpóranse ás empresas que colaboran nos diferentes proxectos de #FPdual preto de 50 alumnos e alumnas correspondentes aos ciclos de:

1.° e 2.° curso do CM de Comercialización de Produtos Alimentarios

1.° curso do CS de Xestión de Vendas e Espazos Comerciais

1.° curso do CS de Transporte e Loxística

Moita sorte durante estes 6 meses de aprendizaxe na empresa!

Alumnado de Latín e literatura Universal asistiu no día de onte á representación de "Medea", no Teatro Colón, unha magnífica posta en escea a cargo da compañía "Noite Bohemia"

Despois da representación leuse un manifesto pola defensa dos estudos clásicos: do latín, do grego e da cultura clásica, reivindicando unha maior presencia destas materias no ensino.

 

Novo programa de "O Son das Aulas", na sección Ciencia e tecnoloxía na radio. Nesta ocasión, a Doutora Lucía Ramos García, profesora da Área de Ciencia da Computación e Intelixencia Artificial da Facultade de Informática da Universidade da Coruña, é entrevistada polas alumnas Iria, Sara e Leire de 1.º BAC con motivo da Semana da Muller na Ciencia e a Tecnoloxía.

Programa xa dispoñible en:

Xa de volta o alumnado que durante esta semana viaxou a Grecia acompañado da profesora Luisa Rodríguez.

Semana intensa, que comezou coa visita a un dos lugares máis emblemáticos de Grecia: Delfos, onde a insigne delegación zalaética puido consultar o oráculo.

A visita a Meteora era unha das máis esperadas e sobrepasou con creces as todas as expectativas. Despois da visita a Tesalónica e a Volos, de onde saíu a mítica expedición dos Argonautas, estiveron dous días en Atenas, desfrutando dos seus magníficos monumentos e museos. Ademais da oportunidade de coñecer a antiga e a moderna cultura grega da man do entrañable e sabio guía grego, esta semana permitiulles gozar da convivencia que, en moitos casos, acabou converténdose en amizade, entre alumnado e profesorado de 14 institutos de Galicia.