IES Mendiño |

Ligazóns importantes

Emails do profesorado Horarios de atención a nais e pais

Novas

As receitas do Mendiño. Receitas de inverno

Mié, 28/12/2022 - 20:32 — Jose Antonio Ma...

Un ano máis, o Departamento de Lingua Galega, coa colaboración do Equipo de Dinamización Lingüística e da Bibloteca do do IES Mendiño, achégamosvos a selección das receitas da tempada, neste caso o inverno. Neste nova edición do caderno gastronómico participan membros da nosa comunidade educativa, ás que agradecemos o tempo dedicado. Agora somos nós quen temos que pór en práctica estas receitas e sorprender ás persoas máis achegadas. Bo Nadal!

2 adjuntos

Lecturas recomendadas para o Nadal

Mié, 21/12/2022 - 21:43 — Óscar Pérez Blanco

GIF de luces navideñas - Iluminación navideña animada

Despois de un longo trimestre, chegamos ás merecidas vacacións, e que mellor que desfrutar do Nadal cun bo libro. Desde o equipo de biblioteca, achégannos unha listaxe de libros recomendados por niveles para o Nadal. Que disfrutedes das merecidas vacacións cun libro na man.

BO NADAL

AnimatedGIFsFantasybookoflife_thumb[2].gif (930×629) | Beautiful gif, Animated images, Animated gif Cos mellores desexos. – Pontecesures net

Premio no Certame de Relato Curto en Lugo

Mié, 21/12/2022 - 19:37 — Jose Antonio Ma...

Parabéns para a nosa alumna de 2º de Bacharelato Julia Amoedo Méndez polo seu 2º premio ao participar no Certame de Relato Curto, organizado pola Asociación Cultural Arumes (Lugo).
A comunidade do IES Mendiño séntese moi orgullosa do éxio obtido pola nosa alumna. E agardamos que este non sexa máis que o primeiro de moitos máis!

1 adjunto

La voz del Mendiño

Jue, 15/12/2022 - 11:43 — Óscar Pérez Blanco

Desde o Departemnto de Lingua Castelá, achégannos un traballo feito polo alumnado de 3 ESO dentro do proxecto prensa - escola de La Voz de Galicia. Parabéns ao alumnado e o profesordao polo traballo realizado.

La voz del Mendiño

Bravo Great Job Sticker - Bravo Great Job Pegatinas bien hechas

25N: Día Mundial da Eliminación da Violencia contra a Muller

Vie, 25/11/2022 - 11:49 — Jose Antonio Ma...

Pequeno vídeo realizado polo alumnado de Literatura Galega de 2º de Bacharelato do IES Mendiño, no marco da conmemoración do Día Mundial contra a violencia da muller.

Colaboración de RQR, a radio do IES Mendiño, con Radio Redondela

Mié, 23/11/2022 - 21:44 — Jose Antonio Ma...

Radio Redondela "abre un oco" a RQR, a radio do IES Mendiño.

“As ondas… que grandes son” é o nome desta sección que achegará as propostas, preocupacións, reflexións e actividades do noso alumnado. Comezaremos a colaboración cun programa que xirará arredor da conmemoración do 25N, Día Mundial contra a Violencia contra a Muller. Podedes consultar a nova na propia web de Radio Redondela: https://www.radioredondela.com/2022/11/23/radio-redondela-abre-un-oco-a-...

Lembrade que a nosa web ten programación propia e máis ampla, que podedes consultar directamente na web da radio: https://rqr.gal

Non dubidedes a vos subscribir, a través de calquera aplicación de podcast, a calquera dos nosos programas:

- Cercáronme as ondas, que amosa o día a día do IES Mendiño.

- Sen spoilers: recomendacións de libros, música e filmes feitas por alumnado do noso centro.

- Musiqueando: o espazo da música no IES Mendiño. Unha porta para escoitar o que o noso alumnado é quen de facer e crear.

Eleccións ao Consello Escolar 2022

Mar, 25/10/2022 - 11:37 — Jose Antonio Ma...

Neste mes de novembro toca renovar o Consello Escolar do IES Mendiño. Iniciamos un proceso electoral que terá a súa fin nas eleccións que terán lugar a finais de novembro, para constituír o novo consello escolar na primeira semana de decembro de 2022.

Nestas eleccións temos que renovar ás seguintes persoas membros:

2 persoas no sector alumnado.
1 persoa no sector familia.
1 persoa no sector do persoal non docente.
3 persoas no sector do profesorado.

Desde a dirección do centro animámosvos a participar, tanto para exercer o voso voto como para presentarvos de candidatas e candidatos. A nosa experiencia mostra a importancia dun consello escolar acitivo, onde estean representados todos os sectores da nosa cumunidade educativa.

Iremos achegando na páxina web do centro toda a información do proceso electoral, comezando pola notificación do sorteo público que terá lugar este 28 de outubro, ás 9:30 h, no despacho de secretaría do IES Mendiño, onde se designarán as/os membros da xunta electoral que será a encargada de organizar todo o proceso electoral.

Atte.,

José Antonio Martínez Domínguez

Director do IES Mendiño