Dentro do Plan de Igualdade e como xeito de fomentar a creatividade do alumnado, promovemos a realización dun concurso do deseño dun logo-imaxe para ser impreso en camisetas, coa idea xeral de "Educando en igualdade". Achegámosvos a ligazón coa bases do concurso. Animadevos a participar!!! O prazo de participación remata a mediados do mes de marzo. Ligazón aos documentos: Bases do concurso: https://drive.google.com/file/d/1e-ROmgMu5hVdMC5JRx8kRXrtswFP_aid/view?usp=sharing
Este mes de febreiro de 2020, o club de lectura vai xirar arredor da obra Seique, de Susana Sánchez Arins. Esperamos contar coa visita da autora. Comunicaremos a data concreta da sesión.
O pasado día 20 de decembro, xustamente na última xornada léctiva do primeiro trimestre, o noso instituto adicóu boa parte do tempo a celebrar un día adicado á reclamación da Ciencia en Galego e a reivindicación da expresión musical.
Comezou a celebración cunhas palabras do noso director D. José Antonio Martínez Domínguez nas que reclamou precisamente un mellor trato ao noso idioma por canto hoxe a normativa vixente impide o uso normal do galego para impartir as aulas de materias como as matemáticas.
Precisamente o pasado día 17 de decembro, o Consello de Europa advertía de que España incumpre os seus compromisos europeos para preservar a riqueza lingüística. Precisamente o comité de ministros do Consello de Europa, no seu informe, emprazou ao goberno español a reforzar o uso das linguas cooficiais na administración central e a garantir o seu uso por exempro na administración de xustiza.
Ademais a institución, con sé en Estrasburgo insta en dito informe aos responsabeis autonómicos a eliminar os límites impostos nas aulas ao noso idioma propio, o galego, concluíndo o escrito que a presenza do idioma galego no sistema educativo de Galiza é insuficiente, incumplíndose os compromisos derivados da Carta Europea da Linguas Minoritarias, asinada por España, que exixe unha liña educativa integramente en galego.
Deseguido o acto continuou coa interpretación de varias pezas musicais por parte de grupos do alumnado. En primeiro lugar, un grupo de alumnos e alumnas de 4º de ESO e 1º de Bacherelato, interpretaron Doeba, un canon en swing da autoría de Rieks Veenker, que podedes ver e escoitar a continuación:
A continuación, o grupo de alumnado de 1º de Bacharelato interpretou a peza “When I was your man” de Bruno Mars:
Para continuar, o grupo de 4º de ESO, interpretou a cantiga popular xaponesa “Akai hana, shiroi hana” na versión de Mei Nakayabashi:
E logo comezou a festa da Ciencia. O alumnado percorreu libremente o centro no que estaban instalados 30 experimentos científicos. Cada un dos experimentos estaba presentado e era explicado por alumnos e alumnas dos cursos de 4º de ESO e 1º e 2º de Bacharelato, que durante ese tempo, tomando o rol de autenticos profesores e profesoras, explicaron, instruíron e divertiron aos seus compañeiro e compañeiras .
No mes de outubro, o alumnado de 1º Bacharelato de Música, tivo a oportunidade de asistir a un concerto clásico organizado pola Fundación ABANCA de Vigo. As entradas foron de balde porque baixo o título “Quedamos no palco, quedamos coa clásica” esta institución pretende achegar o ambiente clásico aos escolares.
A idea inicial era facer unha crítica musical escrita, a modo de reflexión, desta audición, pero grazas á iniciativa do Departamento de Normalización Lingüística, a través de Xabier Toba, e ao entusiasmo do alumnado surxiu o proxecto deste vídeo. Con el pretendemos contaxiar os bos momentos que pasamos ese día e animar a máis persoas a que acudan a este tipo de eventos.
O vindeiro mércores 13 de novembro as 19:00 horas, terá lugar no Multiusos da Xunqueira unha charla interactiva coas familias sobre os menores e as apostas. Poden descargar a información no seguinte link:
A vindeira semana arranca o clube de lectura Kiosko Cocó. A primeira reunión terá lugar o vindeiro martes 22 de outubro ás 11:00 na biblioteca e pode participar toda a comunidade educativa.
Informámosvos dos prazos para poder solicitar as exencións de Lingua Galega e de Música na ESO e no Bacharelato.
EXENCIÓNS DE MÚSICA:
O prazo remata o 30 de setembro, tanto para a ESO coma para o Bacharelato.
EXENCIÓNS DE LINGUA GALEGA:
ESO: o prazo remata o 5 de outubro.
BACHARELATO: o prazo remata o 20 de outubro.
PROCEDEMENTO:
Teñen que pasar por administración para recoller o impreso de solicitude de exención. No caso de Música, deben traer o certificado de notas do Conservatorio do Grao Profesional no que estea matriculado.