VISITA Á FUNDACIÓN PAIDEIA

O pasado martes 16 de xaneiro, o alumnado de 1º de CS de Administración e finanzas e de 1º do CM de Xestión Administrativa, dentro das actividades programadas a través da Aula de Emprendemento, realizaron unha visita ás Instalacións da Fundación Paidea na Escravitude, en Padrón. Alí foron recibidos por representantes de Paideia e da Asociación Deloa. 

As representantes da Fundación Paideia explicáronlles as actividades que levan a cabo, entre as que destacaron a explicación da coordinación que realizan sobre o Programa de Voluntariado Europeo, onde animaron ao alumnado a participar na experiencia do voluntariado. 

Tamén deron conta do curso "Marketing Dixital e Cooperativismo" que realiza anualmente a Fundación. Precisamente da última edición deste curso naceu unha cooperativa de márketing dixital, enfocado a empresas concientes, chámase Moira, e as persoas membros da cooperativa presentáronnos o seu proxecto, relacionado con ofrecer servizos de márketing dixital, e que na actualidade, están afincadas no coworking da Fundación Paideia en A Escravitude. As alumnas e alumnos realizaron un emocionante Kahoot! final para comprobar os seus coñecementos sobre os contidos nos que acababan de ser formados.