Blogue

O “Efecto Matilda” é un prexuizo en contra do recoñecemento dos logros das mulleres científicas”

“#No more Matildas” é unha forma de poñer de manifesto as trabas ás que se viñeron enfrontando as mulleres que quixeron entender o mundo no que se atopaban dedicándose á ciencia. Podemos afirmar con case total seguridade que estes grandes descubrimentos para a humanidade só puideron desenvolverse porque estes científicos foron homes,  esta brecha de xénero segue existindo hoxe, aínda que esteamos nunha situación indiscutiblemente mellor.

Descargar Libros

Ligazón aos Recursos "De maior quero ser científica"

É unha revista cultural lucense que combina dous mundos, o do xornalismo e o do deseño gráfico, para achegar o de lonxe e proxectar o próximo, para traer e levar historias de aquí e de alí e, con elas, ofrecer a posibilidade de diluír fronteiras. Ligazón entrevista María Valcárcel

"Hechos Mínimos" conta con secións fixas: Música, Literatura, Arte, Cine e TV

A Biblioteca do IES Laxeiro dispón dun espazo web adicado a "Igualdade e Feminismo", unha extensa base de datos bibliográfica con referencias á literatura en galego e castelá sobre as mulleres.

Paul Watzlawick, psicólogo coautor da “Teoría da comunicación humana”, escribiu algo tan simple como: “A realidade non existe, é un constructo hipotético”. Esta afirmación axiomática é a pedra angular do relativismo, o todopoderoso e omniscente saber científico non é máis que unha quimera subiugante que, fundamentalmente dende o século XIX, coloniza a adquisición de coñecemento impoñendo unha ditadura sen precedentes na historia da humanidade. “As mentiras científicas sobre a muller” é unha reflexión alternativa á autocracia androcéntrica, creada perversamente sobre unha cultura hexemónica machista que despreza sistematicamente á muller e instrumentalízaa como obxecto de desexo e reprodución. Non é unha lectura de divertimento, trátase dun traballo de investigación que analiza o vergoñante tratamento que, dende o “incuestionable” paradigma positivista, estáse a facer coa muller. Dende a antropoloxía, a etología, a socioloxía, a menciña… Dauder e Sedeño van desenmascarando falsidades “científicas” que responden a intereses económicos e de perpetuación de roles de poder masculinos, tan daniños para o gineceo que resulta bochornosa a súa lectura. Coñecía superficialmente moitos datos: a inconsistencia do manual estatístico dos trastornos mentais e o seu recalcitrante tratamento das “patoloxías” sexuais e de xénero, o engano acerca das vacinas do VPH (Virus do Papiloma Humano), a vergoñosa implantación de métodos anticonceptivos baseados na abolición do ciclo menstrual… En fin, que se este libro non serve, non xa para sensibilizar se non para mobilizar á xente, apaga e ímos.

Lectura moi recomendable no ano internacional da táboa periódica, 2019 conmemora o 150 aniversario desde que o químico ruso Dmitri Mendeleev ordenou os elementos baseándose na estrutura dos seus átomos. Primo Levi convértese nun alquimista literario para ofrecer unha aliaxe máxica entre a química e a literatura, cada un dos 21 elementos recupera un relato extraordinario da súa biografía. "O sistema periódico" (1975) non é un libro para químicos, que tamén, é un achegamento renacentista á ciencia desde unha perspectiva humanista cunha escritura de altísimo nivel.