O 19 de novembro, día da muller emprendedora, cadrou en domingo, pero a coordinadora da Aula de Emprendemento non se durmiu nos laureis e adiantou para o día 17 a visita de Rosa Nieto. Con ela o alumnado dos Ciclos puido gozar dunha xornada acolledora onde Rosa lles falou da súa experiencia como MULLER directora dunha empresa; do camiño percorrido até chegar a ese posto e de como xestiona na actualidade a empresa de conservas FRISCOS.
Foi útil escoitar dunha muller coma ela que é o que pensa atopar cando contrata a unha persoa e que espera dos e das súas traballadoras.
En fin, o valor do esforzo, valor que por ser muller ten que ser moito máis intenso nunha sociedade que, se ben é certo avanzou moito en termos de igualdade, aínda lle queda un camiño amplo por percorrer.
![DÍA DA MULLER EMPRENDEDORA DÍA DA MULLER EMPRENDEDORA](https://www.edu.xunta.gal/centros/iesleliadoura/system/files/images/a2010554-8bc0-4964-b2b5-cc6dff4a3c82.preview.jpg)