Novas de departamentos

SEMENTAR SEMENTAREI

Chega a feira da primavera e realizase un ano máis esta actividade con dedicación e entrega por parte do alumnado de 3º e 4ºESO.

Esta actividade consiste en en acondicionar a terra na que se vai facer unha sementeira de prantas de ¨mirabilis jalapa¨, popularmente chamadas ¨pericos¨ ou ¨don diego de noche¨. Logo regaron en abundancia para asegurar que prendan e dean as súas fermosas flores. Por último comprométense a coidalas o resto do ano.

RECUPERAMOS PRANTAS MURCHIÑAS

Unha das actividades que realizamos desde o Departamento de Relixión Católica dentro das propostas feitas para a feira de primavera foi recuperar e revitalizar prantas algo murchiñas do xardín.

Con esta actividade o alumnado de 2º e 3º ESO fíxose consciente da necesidade de coidar a Natureza que nos rodea e así mellorar o espazo no que habitamos.

APADRIÑA UNHA ROSEIRA

Apadriñar significa guiar, acompañar, coidar e protexer. Desde esta perspectiva pretendemos incorporar a paisaxe e a súa posta en valor como obxecto de aprendizaxe na materia de Relixión Católica. Así o alumnado de 2º ESO organizado en pequenos grupos, plantan, regan e coidan roseiras despois de poñerlle un nome nunha etiqueta e comprometerse a coidalas o resto do ano.

Deste xeito o alumnado faise consciente da importancia que teñen as pequeñas accións para procurar un entorno sostible, coidado e sobre todo inclusivo.

BRIGADAS DE LIMPEZA NO XARDÍN

Comezamos curso facendo unha revisión do estado do xardín que rodea o noso IES. O alumnado utilizou recolledores feitos por eles con botellas de auga de plástico recicladas para recoller o lixo e refugallos que poida haber. Logo depositan o recollido e fan unha selección antes de botalos nos contenedores adecuados.

Ao final do curso volveron facer a mesma operación para que o xardín quede en boas condicións.

O alumnado de 3º ESO realizou esta actividade con moito entuiasmo e ilusión por contribuir, na medida das súas posibilidades, na construcción dun mundo mellor entre todos.

Na materia de Relixión Católica o alumnado toma conciencia da importancia que ten ter claro que o que é de todos, coidámolo todos.

Obradoiro de bonecos Nadal 2022

1 adxunto

LIGAS INTERNAS NO TEMPO DE LECER

Xa podedes apuntarvos ás Ligas Internas organizadas polo departamento de EF. As follas de inscrición atópanse no corcho que está diante de conserxería.

Fútbol sala (5x5) estará dividido en tres ligas: 1º/2º de ESO, 3º/4º de ESO e 1º/2º de Bac.

En baloncesto (3x3), voleibol (4x4), brilé (8x8), tenis de mesa (1x1) e bádminton (1x1) participaredes tódolos cursos xuntos.

O procedemento para inscribirse será o seguinte:

Fútbol sala, baloncesto, voleibol e brilé: introducir a folla de inscrición cuberta na caixa situada debaixo do corcho.

Tenis de mesa e bádminton: apuntarse directamente na folla que está no corcho.

O prazo remata o 17 de outubro. Durante a semana do 24 de outubro publicaranse os calendarios. O día 2 de novembro empezarán as ligas.

Para calquera dúbida contactade en lulufel@edu.xunta.es

DIPLOMADOS EN APADRIÑAR ROSEIRAS

O alumnado de 2ºESO foi o protagonista da actividade:”Apadriña unha roseira” no xardín do Leiras.

Unha vez que se estableceu o compromiso de coidado, durante o resto do curso, das roseiras que se ían plantar no xardín do IES, os alumnos e alumnas, plantaron, regaron e abonaron as súas roseiras, coidándoas con tal entusiasmo e atención, que o profesorado que coordenou esta actividade tomou a decisión de recoñecer este traballo concedéndolle un diploma en recoñecemento ao seu compromiso e dedicación realizando esta actividade.

No último día de clase o director do centro entregou a un representante de cada clase cadanseu diploma, o que recibiron con grande ledicia.

AULA INTERDISCIPLINAR AO AIRE LIBRE NO XARDÍN DO LEIRAS

Co obxectivo de relacionar e aplicar o que aprendemos, así como potenciar a aprendizaxe global a través de propostas que promovan a integración e a conexión de contidos entre as distintas materias, realizáronse diversas actividades de xeito interdisciplinar.

Ao longo do curso o alumnado relacionou e aplicou o que aprendeu entorno ao xardín do Leiras.

ABRAZAMOS ÁRBORES

En varios cursos, durante varios días ao longo do curso abrazamos árbores como xesto de sensibilización cara o coidado do Medio Ambiente.

De xeito simbólico, nos distintos cursos, fotografámonos no xardín abrazando árbores, despois de ver documentais cuios enlaces foron facilitados polo Instituto de Estudos do territorio da Consellería de Medio Ambiente, Terrritorio e vivenda, que informan sobre a importancia do coidado da Natureza e da súa preservación para o futuro.

Na materia de Relixión Católica preténdese dar unha proposta de sentido último para a vida e iluminar o fundamento daqueles valores comúns que fan posible unha convivencia libre, pacífica e solidaria, para o cal é moi importante o respecto da Natureza e crear unha conciencia ecolóxica.

1 adxunto

EDUCANDO A CONCIENCIA MEDOAMBIENTAL

Tendo como obxectivo acadar o coñecemento das paisaxes cercanas presentes no ámbito próximo ao noso centro educativo, adquirimos coñecementos vendo videos propostos pola Consellería de Medioambiente, Territorio e Vivenda, sobre os elementos paisaxísticos.