Skip to Content

Lingua e literatura galega

4º ESO B 2ª semana

Lun, 23/03/2020 - 17:57

Esta semana toca o seguinte:

  1. Quedounos pendente algún exercicio de B e V. Tedes que facer o 4 e o 6 da páx. 103 na libreta.

 

  1. Hai que facer tamén na libreta o exercicio 4 da páx. 119 e o 1, pero indicando só adverbios e preposicións (que non formen parte de contraccións).

 

  1. Aproveitando que o venres é o Día Mundial do Teatro, imos estudar algo de léxico desta arte facendo os exercicios 3 e 4 da páx. 150 tamén na libreta. 

Destas actividades dos apartados 1, 2 e 3 mandareivos solucionario o venres.

 

  1. Seguindo co teatro, tedes que ler o texto da páx. 180-181 e enviarme ata o venres 27 ás 23:59 as respostas ás preguntas 3, 5, 6 e 7 da páx. 182 nun documento que poida editar.

 

  1. Por outra banda, o 21 de marzo foi o Día da Poesía, polo que vos comparto un documento titulado “Poesía de corentena” por se vos animades. Estaría moi ben que o fixésemos!

  1. Para rematar, envíovos un enlace para lembrarvos as bases do concurso de relatos do extraterrestre, cuxo prazo remata o 20 de abril. Animádevos a envialo que, se hai sorte, imos de excursión a Curtis!

 

Por se non o vistes, no Instagram da biblioteca do centro e no blog podedes deixar os vosos comentarios e fotos cando vos apeteza.

 

Pola miña banda, máis nada polo momento. Consultádeme calquera dúbida que xurda.  Espero que o esteades levando ben e esteades sacando algo positivo destes días estraños. 

Ánimo que xa queda menos!

 

Lucía

 

ACTIVIDADE SOBRE OS SÉCULOS ESCUROS PARA 1º BACH.

Mar, 17/03/2020 - 13:52

Por se alguén segue tendo problemas para acceder aos materiais, déixovolos aquí tamén.

Unha presentación informal

 

 O noso seminario está ocupado dabondo.

 

Antes eramos catro, por orde de chegada a Bueu:

 

- Asunción (Asun) Sónora dá clases no PCPI de Pesca (sen esquecer que tamén é a "dire")

 

- Fernanda G. Briones aturuxa a 1º da ESO, 2º Bac A e B..

 

- Eva Rosa López Villanueva anda por 1º BAC, 2º BAC-C e 3º ESO. Ademais é a Xefa de Departamento.

 

- Lucía Duran dá clases en 4º ESO, 2º ESO e no PCPI de Peiteado. Tamén é a coordenadora do EDNL.

 

Este ano, ademais temos a media xornada unha nova compañeira: María Lourdes Rial (aínda que todo o mundo lle chama Lúa) que anda pola quenda de nocturno e dá clases en 1º e 2º BAC,  en 2º de PCPI e na EPA II.

 

Se queredes preguntar algo ou tendes calquera dúbida académica, podedes contactar con nós persoalmente nas horas de titoría ou senón no correo do departamento:

 

ei.carballeira@gmail.com

 

Ou no noso blogue:

http://www.blogoteca.com/eicarballeira/

 

 

 

 

 

 

SECUENCIACIÓN E CRITERIOS DE AVALIACIÓN

 DATAS DE EXAMES DE XUÑO DATAS DE TITORÍAS DE ALUMNADO
     
     
     
   

 

Arquivo 2

 

 

 

 

http://www.edu.xunta.gal/centros/iesjohancarballeira/?q=node/197

 

 

Distribuir contido


by Dr. Radut