Premio editorial Santillana Français, primeira edición #Jetedéfie: O alumnado de francés de 4º da ESO, coa colaboración de tres alumnos de 1º de BAC, acadou o primeiro premio do concurso cunha creación musical (coreografía e adaptación dun videoclip dunha canción da cantante belga Angèle) relacionada cos micromachismos presentes nos centros de secundaria. O vídeo foi seleccionado entre 21 participantes de centros de toda España. No mes de setembro o alumnado recibirá o seu merecido premio: unha clase de baile moderno en francés cunha bailarina francófona.
Resultados DELF Scolaire et Junior 2024: outro ano máis, conseguimos un 100 % de aprobados entre o alumnado que se presentou á acreditación de nivel de francés B1 e B2. Parabéns polo voso esforzo extra durante os recreos nos que viñéstedes a prepararvos, mereceu a pena!!!
