O alumnado de Economía de 4º da ESO da profesora María Sande foi gañador dun dos premios do certame escolar da Xunta I-Comercio (Idea o teu comercio!) entregado en Santiago polo Conselleiro de Cultura, Educación, Formación Profesional e Universidades. O noso centro resultou premiado na categoría dedicada a proxectos relacionados co mundo da arte, a cultura, o entretemento, a tecnoloxía e a innovación, co proxecto dun centro comercial formado por tendas e produtos 100% galegos.
