O venres, o noso último día da Semana Branca en Andorra, amenceu soleado e gozamos doutro espléndido día de sol.
Asistimos ao curso de esquí e snow e recollemos os diplomas.
Tras o xantar puidemos esquiar pola nosa conta ata as 15:00h.
Despois de devolver o material de esquí, pasamos polo hotel para darnos unha ducha rápida, recoller as nosas maletas e emprender viaxe cara a Xove. Saímos moi cansos pero á vez moi satisfeitos dunha semana de deporte e convivencia da que, con seguridade, nos lembraremos durante moito tempo.
Agárdanos unha longa viaxe e esperamos chegar ao IES Illa de Sarón sobre as 10:00-11:00 da mañá do sábado día 8.
