O día 6 de novembro, os alumnos de 3º e 4º de ESO realizaron unha saída a Lalín.
Unha das visitas foi á fábrica de iogures Kalekoi, unha marca cen por cen galega de curta vida e que resultou do emprendemento de dous mozos que decidiron deixar os seus traballos e regresar ó rural para continuar coa explotación gandeira familiar. Recibimos unha explicación do proceso de elaboración e rematamos cunha degustación dos seus produtos.
Ademais, visitamos o Museo Etnográfico “Casa do Patrón”, onde os alumnos puideron ver unha casa tradicional galega, así como instrumentos empregados para todo tipo de labores domésticas, agrícolas, gandeiras, artesanais…
Rematamos esta visita cun taller de elaboración artesanal de pan, no que os rapaces amasaron e coceron nun forno de leña pan de trigo.
Aquí vos deixamos algunhas fotos:
