O pasado 12 de abril, o alumnado da materia de Historia da Música e da Danza realizaron unha visita guiada ao Betanzos Medieval. 

Tamén acudiron ao Museo das Mariñas. 

Xa están funcionando os Obradoiros de celebración do día do libro! O venres xoves estrenámonos con origami, o venres lettering e o luns radio.

Lembrade que non tedes que anotarvos antes, só tedes que acudir á Biblio no recreo e solicitar o material do Obradoiro que queirades facer (lettering, origami, ioga e meditación, chapas, radio e creación de libros pop-up).

Aquí tedes unha mostra do feito e tamén unha foto da Biblio no recreo. Dá gusto ver a Biblio con tanta xente!!

Sodes todos e todas moi ben benvid@s!!

Álbum: Curso 22-23 -> Obradoiros na biblioteca

O pasado venres 21 de abril, un grupo de alumnos e alumnas de 2º de ESO participaron de xeito voluntario nun curso de formación en radio escolar. Aprenderon a facer un guión, gravar, empregar o Audacity e manexar a mesa de misturas e o control técnico. Xa están preparados para traballar sós! De feito, o luns no recreo xa foron á radio a poñer en práctica o aprendido.

Aquí tedes varias fotos da xornada de formación. 

Graciñas á rapazada por participar!!

Álbum: Curso 22-23 -> Formación na radio escolar

Os grupos de 2B/C visitan Guitiriz, onde realizarán un roteiro literario pola localidade a cargo do alumnado do IES Poeta Díaz Castro.

ATENCIÓN!

Dado o éxito da Radio Escolar, infórmase que (ademais dos recreos do luns, xa establecidos) gravaranse podcast nos seguintes recreos:

- Primeiro recreo dos martes.
- Segundo recreo dos mércores.
- Os dous recreos dos xoves.
- Os dous recreos dos venres.

Vémonos na Radio!

Os días 19 e 20 de abril tiveron lugar no IES Francisco Aguiar os segundos encontros entre o alumnado de 4º de ESO e os maiores, que contaron a súa experiencia na emigración.

Neste segundo encontro, os rapaces explicaron os resultados dos traballos realizados tras contactar con algún emigrante ou persoa que lles pudo contar algo desta temática. Primeiro expuxeron os resultados publicamente e posteriormente en pequenos grupos traballaron algúns aspectos interaccionando cada grupo cun dos maiores. A experiencia foi valorada moi positivamente por todas as partes implicadas.

Os alumnos e alumnas de Historia do Mundo Contemporáneo realizan unha visita a Compostela, onde pasearán polo centro histórico, irán ao CGAC e coñecerán unha exposición na Fundación Abanca.

O 8 de maio o alumnado de Tecnoloxía e Enxeñaría I visita a fábrica de tellas que hai en Mesía.

Os grupos de 1º de bacharelato practican piraguismo no Mandeo. Cada grupo terá dúas sesións. A actividade comeza o día 3 de maio e acaba o 23 de maio.

Os grupos de 2º de Bacharelato asisten á proxección do documental "Dores", sobre os campos de concentración franquistas.