Recibimos a visita do centro de Formación Profesional "Fragas do Eume", que fará unha demostración de coctelería con bebidas sen alcohol.

O día 6 a demostración é para E4A; o xoves 8 é a quenda de E4B e E$D e, por último, o luns 12 é a quenda de E4C. 

Todas as demostracións se fan en horario de titoría.

O grupo de 1ºB recibe unha charla sobre a igualdade no mundo do deporte, a cargo do Club de Piragüismo de Betanzos.

Os grupos de 2º e 4º de ESO practican piragüismo no Mandeo. Hoxe é a quenda de 4ºB e de E2D.

Trabajo publicitario realizado por el alumnado de 2º de ESO en la materia de Lengua Castellana.

Los anuncios incluyen  un vídeo musical en  un código QR que hace referencia al tema trabajado.

Os grupos de E1A e E1D visitaron o Museo Picasso na Coruña e realizaron ademais un itinerario didáctica relacionado coa expedición da enfermeira coruñesa Isabel Zendal.

Álbum: Curso 22-23 -> Saída didáctica á Coruña 1º ESO

O alumnado de 2°ESO-A comeza a súa andaina na Aula de Polos Creativos deseñando nos seus ordenadores e-dixgal unhas pezas na plataforma TINKERCAD, para imprimilas a continuación na impresora 3D.

Álbum: Curso 22-23 -> Polos Creativos E2A

 O Equipo de Normalización e Dinamización Lingüística do IES Francisco Aguiar publicou, un ano máis (e van 15!), a súa revista de banda deseñada, Ban-De, que ten como eixe temático o Parque enciclopédico do Pasatempo.

(Podedes acceder á revista picando no enlace)

Os grupos de E1A e 1ED reciben un obradoiro do Plan "Navega con Rumbo". O obxectivo é que as rapazas e rapaces máis novos, que poderiamos definir como nativos dixitais, tomen conciencia dos beneficios e riscos que supón a navegación polo ciberespacio en toda a súa extensión, non só a través de páxinas web senón tamén das redes sociais, das que cada vez son usuarios máis asiduos. 

Organizado polo departamento de Tecnoloxía do noso instituto visitamos o 8 de maio a empresa “Tejas Verea, S.A” que se dedica á fabricación de diversos tipos de tellas localizada en Lanzá (Mesía). Guiados por unha técnica e un técnico visitamos en primeiro lugar a zona de aprovisionamento de material: moenda e mestura de arxilas, xunto coa zona de maduración.

Despois fomos visitar a liña 1 onde se fabrican tellas planas de diversas formas vendo o amasado, extrusionado, secado e cocido dos produtos. Todo o proceso é controlado automaticamente polo sistema industrial SCADA, e incluso puidemos observar a posta a punto dun sistema de control de calidade das tellas planas que funciona por son. Visita moi interesante para ver as aplicacións dos sistemas automáticos de control na industria.

Os grupos de 3º de ESO acoden a un concerto no Centro Ágora.