AXUDAS PARA ADQUISICIÓN LIBROS DE TEXTO 1º E 3º DE ESO

Novas

AXUDAS PARA ADQUISICIÓN LIBROS DE TEXTO 1º E 3º DE ESO E EDUCACIÓN ESPECIAL. (Orde do 13 de maio de 2011, DOG 31/05/11)

REQUISITOS:

Non repetir curso.

Ter unha renda per cápita familiar igual ou inferior a 9.000 euros.

CÁLCULO DA RENDA PER CÁPITA:

Terase en conta a situación persoal e familiar en 31 de decembro de 2009 e o exercicio fiscal 2009.

Dividirase a renda familiar entre o número de membros da unidade familiar.

A renda familiar é a suma das rendas de cada un dos membros da unidade familiar, é dicir, a suma dos recadros 455 (base impoñible xeral) e 465 (base impoñible do aforro) da declaración de todos os membros da unidade familiar que presentasen declaración do imposto sobre a renda do 2009.
Nos casos de violencia de xénero no contorno familiar non se contarán os ingresos do agresor, considerándose a familia como monoparental.

Ao presentar a solicitude autorízase á Axencia Estatal de Administración Tributaria e á Consellería de Facenda a comprobar se os datos de carácter tributario indicados son certos.
Membros da unidade familiar:

Os pais non separados legalmente e, se for o caso, o titor ou titora, ou a persoa encargada da garda e protección do menor.

Os fillos ou fillas menores de idade, con excepción dos emancipados.

Os fillos ou fillas maiores de idade con discapacidade física, psíquica ou sensorial ou incapacitados xudicialmente, suxeitos á patria potestade prorrogada ou rehabilitada.

Os fillos ou fillas solteiros menores de vinte e cinco anos e que convivan no domicilio familiar.

Casos distintos do anterior, tales como familias monoparentais (só conta o proxenitor co que conviva), separacións ou divorcios (non se conta o proxenitor que non conviva co alumno/a pero si o novo cónxuxe, se o hai)falecemento dun dos proxenitores, menores en situación de acollemento, etc. requerirán xustificación documental que pode ser consultada no centro.

Os membros da unidade familiar que teñan unha discapacidade igual ou superior ao 33%, que acrediten unha pensión de incapacidade permanente nos graos de total, absoluta ou gran invalidez ou que teñan recoñecida a condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade contaranse como dous.

LUGAR DE PRESENTACIÓN: Centro onde se matricule o alumno/a.

PRAZOS:

No prazo ordinario (alumnado que aproba todo en xuño): do 25 de xuño ao 26 de xullo de 2011, ambos inclusive.

No prazo extraordinario (alumnado que aproba en setembro): do 1 ao 30 de setembro de 2011, ambos inclusive.

DOCUMENTACIÓN:

Solicitude (Anexo I) debidamente cuberta.

Orixinal e copia da seguinte documentación:

a) Libro de familia no que figuren todos os membros da unidade familiar.

b) No caso de non ter libro de familia, ou se a situación familiar, a día 31 de decembro de 2009, non coincide coa reflectida no libro, terá que presentarse documento ou documentos acreditativos do número de membros da unidade familiar, tales como:

Sentenza xudicial de separación ou divorcio e/ou o convenio regulador onde conste a custodia do causante.

Certificado ou volante de convivencia.

Informe dos servizos sociais ou órgano equivalente do concello de residencia, que acredite a situación familiar.

c) No caso de discapacidade dalgún dos membros da unidade familiar incluídos na solicitude deberá acompañarse un dos seguintes documentos que acrediten esta circunstancia a 31 de decembro de 2009:

Certificado emitido polo órgano competente do grao de minusvalidez cunha porcentaxe igual ou superior ao 33%,

Resolución ou certificado emitido pola Seguridade Social de pensión de incapacidade permanente nos graos de total, absoluta ou gran invalidez, ou

Documentación acreditativa da condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade.

d) No caso de situación de violencia de xénero no contorno familiar: documentación acreditativa.

e) O alumnado de educación especial unicamente deberá presentar a solicitude de axuda, non sendo necesario xuntar documentación algunha.

CONTÍA DAS AXUDAS PARA EDUCACIÓN SECUNDARIA OBRIGATORIA:

Familias monoparentais:

Renda per cápita familiar ata 6.000,00 €: 180 €.

Renda per cápita familiar desde 6.000,01 ata 9.000,00 €: 104 €.

Resto das familias:

Renda per cápita familiar ata 5.400,00 €: 180 €.

Renda per cápita familiar desde 5.400,01 ata 9.000,00 €: 104 €.

Alumnado matriculado en educación especial: 250€

A axuda é por alumno/a, non por familia.

TRAMITACIÓN DAS SOLICITUDES E ADQUISICIÓN DOS LIBROS E MATERIAL ESCOLAR:

Unha vez tramitada e validada a solicitude entregaráselle un vale á persoa solicitante.

Con este vale, a persoa solicitante poderá adquirir os libros e material escolar no establecemento que escolla e polo importe máximo que figura no documento.

O establecemento receptor dos vales non poderá, en ningún caso, requirir á persoa que lle anticipe o importe do vale.

NOTA:
Pregámoslles que entreguen esta solicitude co sobre de matrícula.
Se precisan algunha información ou axuda para realizar a solicitude poden pasar pola oficina do centro.
A data de entrega dos vales comunicarase ás familias unha vez tramitadas todas as axudas.