Primeiro Día das Galegas nas Letras
Celebramos hoxe a primeira edición do Día das Galegas nas Letras, unha actividade coa que pretendemos dar a coñecer e render merecida homenaxe ás escritoras máis sobranceiras da nosa literatura.
Esta proposta xorde para promover a visibilización das mulleres que teñen contribuído coa súa obra a arrequecer a literatura galega. O 17 de maio vén homenaxeando mioritariamente figuras masculinas, contribuíndo, xa que logo, á minusvaloración social das obras femininas.
A autora elixida por nós para esta primeira celebración é Xela Arias, poeta falecida no ano 2003 a só 41 anos. O feito de que transcorrera máis de 10 anos desde a súa morte, faría posible que a Real Academia Galega lle dedicase o Día das Letras Galegas, pero dada a escasa presenza de escritoras homenaxeadas – só 3 en 52 anos-, parece pouco probable que isto aconteza, razón pola que decidimos tomar a iniciativa.
Adxunto | Tamaño |
---|---|
Poemario Xela Arias.pdf | 88.53 KB |