AO COMEZAR CADA ANO. Instrucións para reiniciar cursos
Para os que o ano pasado traballamos con actividades cos nosos alumnos na aula virtual, temos que reiniciar os cursos para eliminar as cualificacións do ano pasado.
Estas son as instrucións para facelo.
No bloque de Administración dun curso hai a opción Restaurar, pero non sempre borra as cualificacións de alumnos repetidores e, o que é peor, non deixa actualizar os cuestionarios.
Para solucionar este problema, WebsDinamicas recomenda este procedemento. Como é un pouco pesado detallei os pasos a seguir e recoméndovos un pouco de paciencia.
PRIMEIRO: Entrade no curso a reiniciar e, no bloque de Administración que está á esquerda, facer Copia de seguranza.
Por defecto aparece todo escollido e premer en Continuar.
SEGUNDO: Podedes deixar o nome da copia de seguridade que o sistema da por defecto e Continuar.
TERCEIRO: Aparece a mensaxe de que a copia de seguridade concluíu con éxito. Premer no botón de Continuar.
CUARTO: Despois aparece o seguinte:
Premede en Restaurar e aparece a seguinte mensaxe:
Decimos que queremos continuar. Aparece a información a descomprimir. Voltade a premer en Continuar.
QUINTO: Ata aquí non cambiamos nada, limitámonos a aceptar e continuar. Agora aparece a seguinte ventá:
Importante:
- Restaurar en novo curso.
- Recoméndovos cambiar o nome abreviado (é o que aparece arriba na barra de navegación da AV) e o nome completo. Estes sempre os podedes cambiar despois na Configuración do curso.
- Premer en Ningún dos Datos de Usuario para non cargalos no novo curso.
- Premer en Continuar.
Pode tardar un pouco dependendo do número e tamaño doss arquivos do curso a restaurar. Ao rematar aparece Restauración completada con éxito e o botón de Continuar. E xa está feito!.
SEXTO: Agora podedes ocultar o curso do ano pasado (para evitar erros dos alumnos). No panel de Administración, premer en Configuración e activar Este curso non está disponible para estudantes en Dispoñibilidade. Non esquezades Gardar modificacións.
Agora o curso antigo aparece en gris e os alumnos non o verán.
Se queredes eliminar o curso antigo, enviádeme a petición do curso que desexades borrar á miña conta de correo.