ELABORACIÓN E PRESENTACIÓN DE TRABALLOS ESCRITOS
ESTRUTURA E ORGANIZACIÓN DA INFORMACIÓN
Como avaliar sitios web
Algúns criterios que se poden ter en conta para a avaliar a información procedente de Internet:
Autoría e autoridade:
A páxina ten un autor? Ese autor está cualificado? É un experto? Saber quen é o autor dunha web axúdanos a determinar a súa credibilidade e a calidade dos seus contidos.
O responsable dos contidos dun sitio web debe estar identificado (unha referencia á adscrición do autor a unha organización, unha breve información sobre o currículo académico ou profesional do responsable, unha dirección de correo electrónico para contactar ou verificar a lexitimidade do responsable da páxina, unha declaración de principios ou intencións sobre a finalidade dos contidos, algún tipo de logotipo que represente á institución,...
Os sitios web aloxados en servizos gratuítos adoitan ser menos fiables: non sabemos quen os creou e poden conter información incompleta (moitos destes sitios son creados como pasatempo ou diversión). Pero algúns deste tipo sitios conteñen algunha información útil, así que hai que analizalos.
Quen posúe o sitio web? Ten credenciais? Hai algunha forma de comunicarse con el? Son preferibles os sitios con autoridade: os sitios institucionais e os sitios oficiais de entidades ou organizacións coñecidas.
Obxectividade e calidade da información:
A información mostra algún tipo de nesgo ideolóxico, político ou comercial nos contidos?
Dise que un contido é obxectivo cando soamente busca informar e non trata de para que se pense dun xeito determinado, é dicir, que se inclina por ningún dos aspectos presentados.
En canto á calidade, evitar os sitios con faltas ortográficas.
Actualización e actualidade:
A páxina ten data de actualización? Cando foi a última vez que a actualizaron? Están actualizados os enlaces da páxina?
Débese ter en conta que hai temas que evolucionan moi rápido e quedan pronto anticuados.
Deseño:
Son máis relevantes as páxinas web que mostran un esforzo na calidade visual e funcional.
Valorar o aspecto e deseño do sitio, a homoxeneidade do estilo ou a axeitada elección de cores, tipografía e imaxes para a presentación dos contidos.
Accesibilidade:
Propiedade dos sitios web que supón a facilidade para acceder á información. Por exemplo: ter un deseño compatible con diversos navegadores, a posibilidade de imprimir correctamente os contidos do sitio, existencia dunha axuda sobre a estrutura e navegación do sitio, versións en varias linguas, ...