Os participantes no Club de Lectura de 1º e 2º da ESO festexaron o XV Día da Ciencia en Galego. Xa que 2024 é o ano galego da Astronomía, comezaron lendo o libro Universo, grazas ao que representaron o Big Bang coa axuda dun globo. A súa profesora Nadia tamén lles leu un fragmento do libro A que cheiran as cores? relacionado coas neuronas e o aprendizaxe. Explicoulles o que significa Serendipia, cun libro que leva ese mesmo título; ensinoulles O libro dos océanos, O libro do clima, o Novo Mundo (e a expedición da vacina),... Parece que temos unha biblioteca ben nutrida en temas científicos!

Continuamos coas charlas impartidas pola Garda Civil dentro do programa escolar Plan Director organizado polo Departamento de Orientación.

Mañá martes 12 de novembro, ás 18:30, no salón de actos do centro, terá lugar unha charla dirixida ás familias. Amelia Varela Artusio, directora da Fundación LAR Pro Saúde Mental en Vilagarcía de Arousa, falará de Psicoeducación e Prevención da Violencia Filioparental. Animamos ás familias a asistir.