Charla temática: "Verificación contra a desinformación"
No marco do programa A Ponte entre o Ensino Medio e a USC, o IES do Camiño, participa nesta iniciativa solicitando a charla temática “Verificación contra a desinformación” impartida polo profesor da facultade de Ciencias da Comunicación, Jorge Vázquez Barreiro.
Neste contexto actual de información onde nos vemos sobreexpostos a moita información que entra por diversos canles, como poden ser por exemplo as redes sociais. Consideramos que é fundamental que o noso alumnado coñeza que hai mecanismos para verificar a información que reciben, sendo conscientes de que se enfrontan a moitas mensaxes que poden ser falsas, polo que é importante que aprendan a identificalas.
Nesta liña durante a actividade aprendemos que existen cinco claves de verificación que poden sernos útiles:
- A procedencia
- As fontes
- As referencias temporais
- As referencias xeográficas
- A motivación polo que se fai.
Neste proceso podemos axudarnos dunha serie de ferramentas e recursos, que son:
- Fact-chekers
- inVID, busca inversa
- Buscas avanzadas
- Wayback Machine (archive.org)
- Análise visual e xeolocalización.
E para poñer en práctica todo isto, o alumnado de 1º de BAC e o da materia de filosofía de 4º da ESO realizaron unha dinámica na que tiñan que verificar unha serie de novas, tendo en conta o seguinte:
- Linguaxe e discurso nos medios xornalísticos e en pseudo-medios
- Check restraint (pensar antes de facer clic)
- Verificación de contidos informativos
- Localización
Podedes ver algunhas das fotos da actividade na galería de imaxes: