Concurso de microrrelatos anticovid
Os equipos de Normalización e Dinamización Lingüística e da Biblioteca do IES do Camiño convocan o CONCURSO DE MICRORRELATOS ANTICOVID.
1.Obxectivo.
Búscase desenvolver a creatividade do alumnado poñendo o foco en tódalas cousas fermosas que, aínda en tempos tan duros coma estes, nos rodean: historias de esperanza, de humor, de solidariedade, de amor…
2. Dereito de participación.
Poderá participar todo o alumnado do IES do Camiño.
3. Requisitos de presentación.
- Cada alumno/a enviará un máximo de tres microtextos.
- Terán que ser orixinais e inéditos.
- Deben estar escritos en lingua galega, cunha extensión máxima de 100 palabras.
- Os textos, asinados cun pseudónimo, remitiranse como documento adxunto en formato word ao enderezo fotoutono@gmail.com e aportaranse os datos persoais (nome, apelidos e curso do/da participante).
4. Prazo de presentación.
O prazo de entrega de microrrelatos pecharase o día 10 de marzo de 2021.
5. Xurado.
O xurado estará formado por tres profesores/as do IES do Camiño.
6. Premios.
Establécese un primeiro premio e dous accésits coa seguinte dotación:
- 1º premio: 50 euros.
- 1º accésit: 25 euros.
- 2º accésit: 15 euros.
Os premios entregaranse en forma de vales canxeables por material nalgún establecemento de Palas de Rei por determinar.