Con motivo do “Día Internacional contra a Violencia Machista”, 25 de novembro, a comunidade educativa do IES Plurilingüe Valga celebrou, neste día, un acto para manifestar o seu rexeitamento en contra de calquera violencia exercida sobre as mulleres e sensibilizar ao alumnado contra esta lacra social. A Biblioteca foi o escenario da actividade programada: un vídeo para contextualizar este día,a lectura dun manifesto e un minuto de silencio polas vítimas desta lacra social. O acto contou co acompañamento musical do alumnado de Música de 4º ESO dirixidos polo profesor Manuel Villar, que interpretaron varias pezas musicais e tamén da profesora de Canto da Escola Municipal de Música de Valga, Anna Melikhova que, ao piano, acompañou a alumna de 1º Bacharelato Alba Manni de los Santoa na súa interpretación de "Lela". A actividade foi organizada polo Equipo de Igualdade e tamén colaboraron o Equipo da Biblioteca, os departamentos de Ed. Plástica e Música xunto a Vicedirección.
O acto tamén serviu para dar os premios do III concurso literario convocado pola Biblioteca contra a violencia machista "ARMADAS DE RAZÓN". En relación a este concurso literario, tivo lugar a lectura dos textos por parte das súas premiadas.
Resultaron gañadores deste concurso: Ximena Socastro Saborido, de 2º ESO A e Saray Suárez Hermida de 1º CB Agroxardinaría (1º e 2º premio da categoría 1º e 2º ESO e 1º e 2º Ciclo Básico respectivamente); Helena Castaño Ordóñez de 3º B e Yara Franco Castro, de 4º A (1º e 2º premio na categoría: 3º e 4º ESO e FP de Ciclo Medio); Lorena González Casal e Daniela González Isorna de 1º Bacharelato B (1º e 2º premio da categoría 1º e 2º Bacharelato e FP Ciclo Superior) e por último na categoría de adultos só houbo un 1º premio, quedando o 2º premio deserto, sendo o gañador: José Benito Cores Rañó, alumno de 2º Ciclo Medio de Soldadura e Calderaría Dual. Todas as premiados e premiado recibiron un vale para a cafetaría do noso centro ou para a librería Cativos. Parabéns ás gañadoras!!!
Máis imaxes deste día picando neste enlace
