Os estudantes de 2º Bacharelato do noso centro, Martín Calvo Blanco e Laura Navarro Jamardo, conseguiron estar entre os "mellores expedientes" de Galicia despois de realizar as probas da convocatoria ordinaria das ABAU 2020. Con estes resultados sobresaíntes acadados na Avaliación de Bacharelato para o Acceso á Universidade, estarán o vindeiro xoves, día 23 de xullo, nun acto de recoñecemento presidido polo reitor da USC e que contará coa presenza do alcalde de Santiago e da alcaldesa de Lugo, acompañados polos membros do Equipo Reitoral. O evento será retransmitido en streaming a través da canle Youtube da USC.
De parte de toda a comunidade educativa do IES Valga queremos facerlles chegar os nosos parabéns.
Por outro lado, tamén queremos salientar os bos resultados conseguidos polo alumnado desta promoción de Bacharelato 2018-2020 que acudiu a realizar a proba de Avaliación de Bacharelato para o Acceso á Universidade (ABAU) 2020 na convocatoria ordinaria, superando a media de aprobados de Galicia. Parabéns a todos eles e elas e moita sorte para o futuro.
