![]() |
FAMILIAS - ANPA O Castro
|
ESCALA NA ESCOLA, O PROGRAMA DE EXCELENCIA DO IES MUGARDOS
O luns 1 de febreiro coa sesión “Transformando imaxes: anamorfose”, a cargo de Covadonga Rodríguez-Moldes, dan comezo as actividades formativas do Programa de Excelencia que recentemente foille concedido ao IES Mugardos.
Este programa ten tres liñas de actuación: a organización e celebración do V Premio Estudo e Deporte, a posta en escea dunha obra teatral con alumnado de 1º de bacharelato dirixida pola profesora de Música Olga Cabalar, e o programa formativo ESCALA NA ESCOLA co que se pretende darlle resposta ao alumnado con maior capacidade e motivación para aprender e que consta de 14 sesións coas que se perseguen, para o alumnado de 2º e 3º de ESO participante, os seguintes logros:
· Acrecentar e consolidar o seu afán de curiosidade
· Darlle a coñecer e por en práctica distintos métodos, técnicas e procedementos de traballo intelectuais.
· Estimulalo e apoiar o gusto por aprender.
· Contribuír a desenvolver as súas capacidades.
· Ampliar a súa formación con temas interesantes e motivadores que non formen parte do currículo escolar.
· Aumentar a súa implicación nas actividades do centro.
Como novidade este ano, as sesións están abertas a calquera persoa interesada en asistir que conte coa autorización do profesorado responsable.
Transformando imaxes: Anamorfose |
Covadonga Rgdez-Moldes |
1 de febreiro |
Oratoria |
Telmo de Paz |
15 de febreiro |
Iniciación ao alemán |
Olga Recio |
22 de febreiro |
Xogos de estratexia |
Covadonga Rgdez-Moldes |
29 de febreiro |
Apps científicas |
Profesorado invitado |
7 de marzo |
Gravación dun programa de radio |
Serafín Álvarez |
14 de marzo |
Ciao, Pinocchio |
Consuelo Gundín |
4 de abril |
Química no laboratorio |
Carmen Bernabeu |
11 de abril |
Criptografía |
Jesús Conde |
18 de abril |
Introdução à lingua do sul (português) |
Isabel Seoane |
25 de abril |
Física no laboratorio |
Carmen Bernabeu |
2 de maio |
Viaja con nosotros |
Begoña Allegue e Rafael Lago |
9 de maio |
Obradoiro de Ética Aplicada |
Ofelia Lubián |
23 de maio |
Obradoiro de numismática romana |
Marta González |
30 de maio |