Música

Musigal 23

Xa chegamos á rolda final do Musigal 2023. Estas son as 10 cancións que chegaron. Escóitaas e vota.

Sortéanse puntos, bocatas e unha camiseta (exposta na cortiza do EDLG) por participar.

blogue de iconcepcion

Xa está aquí o concurso deste mes. Ata o 30 de maio podes completar as dúas cantigas (Semente de vencer e Cedeira), xuntas ou por separado. Entre todos os partcipantes sortearanse puntos de EDLG e vales da cafetaría. Sortearase unha camiseta moi chula (exposta na cortiza do EDLG) se hai 40 ou máis participacións.

PARTICIPA. PREME NAS CANCIÓNS E NON ESQUEZAS PÓR O TEU NOME E CURSO

blogue de iconcepcion

Certame Musical. Marzo

Entra na ligazón e participa

Xa se abre o concurso do mes de MARZO. Haberá, coma xa é tradicional, un sorteo de gorentosos premios entre todos os participantes (hai que rematar as dúas cancións). Entre todos os que fagan as dúas cancións tamén se sorteará unha camiseta que estará exposta todo o mes de febreiro na cortiza do EDLG, sempre que particpen máis de 40 persoas.

Nesta ocasión as cancións son "O mundo está derrotado", de Familia Caamagno e "Un pobo de artistas" de DAKIDARRÍA ft. Tanxugueiras, O Rabelo

Preme na ligazón e participa. Lembra enviar o teu nome completo e curso.

O sorteo será o día 24 de abril . Aberta a participación ata o 23 de abril.

blogue de iconcepcion

Concurso Musical. Febreiro

FEBREIRO

Xa se abre o concurso do mes de febreiro. Haberá, coma xa é tradicional, un sorteo de gorentosos premios entre todos os participantes (hai que rematar as dúas cancións). Entre todos os que fagan as dúas cancións tamén se sorteará unha camiseta que estará exposta todo o mes de febreiro na cortiza do EDLG.

Nesta ocasión as cancións son "Tribo", un adianto do novo disco de A Banda da Loba -Xabón Lagarta- e unha canción de Os amigos dos Músicos "Non pare a festa" sobre o Entroido.

Preme na ligazón e participa. Lembra enviar o teu nome completo e curso.

O sorteo será o día 6 de marzo. Aberta a participación ata o 5 de marzo.

blogue de iconcepcion

Concurso musical

O EDLG lanza un novo concurso para difundir a música en galego

Entra na ligazón, escoita as letras (Sés e Ezetaerre) e completa as letras. Ten en conta que as palabras que precisas para completar o texto van aparecer por orde alfabética.

Despois envía os teus datos (nome, apelidos e curso).

Entre todos e todas que participen sorteranse puntos, bocatas, pereretes e unha camiseta do Rei Zentolo, como a que se exhibe na cortiza do Equipo de Dinamización da lingua Galega.

PARTICIPA

CONCURSO ABERTO ATA O 30 DE XANEIRO

blogue de iconcepcion

Panxoliña 2022

Galicia ten unha rica tradición de panxoliñas de Nadal e cantigas de Reises. Grupos de mozos saían polas rúas das aldeas a cantar panxoliñas o 24 e 31 de Nadal e tamén na tarde do día 5, previa á noite de Reis. Esta era unha tradición moi arraigada en todo o país durante o Nadal. O grupo de mozas e mozos cantaban diante das casas e agardaban despois a recibir un aguinaldo que era en forma de doces (uvas e figos pasos) ou noces e castañas ou tamén en forma de diñeiro. Sería bo non perder esta tradición tan importante para a socialización.

O Departamento de Música, Vicedirección e EDLG quere convidar a toda a comunidade educativa a participar na panxoliña deste ano. Deixamos vídeo e letra. Precísanse moitas voces e moitos instrumentos tradicionais. O ensaios comezan o mércores 7 de decembro (segundo recreo) no salón de actos do centro.

Anímate e ven cantar conosco.

Música galega

A música en galego ten séculos de historia. Seguro que coñeces as cantigas medievais, algunha das coplas populares que se cantan na túa casa ou che soa algún himno rock na nosa lingua. Moitas artistas procuran reinventar esta tradición, outras crean pezas e motivos novos. Con esta pequena guía (en arquivo adxunto) procuramos que, segundo os teus intereses, poidas coñecer grupos e artistas que fan música en galego. Faltan moitas ou as que están non están correctamente compartimentadas, mais este pequeno libriño quere servir como estímulo.

Para desprazarte polos epígrafes podes empregar as frechas que están situadas ao longo da guía, e para escoitar as cancións podes premer nos símbolos, os cales te levarán a unha ligazón de YouTube. (Aulas galegas)

A guía foi elaborada por Elia Lago e editado por Paula Lago. Grazas

Musigal 2022

"Terra" de Tanxugueiras vencedora no Musigal do IES David Buján

O IES David Buján acaba de celebrar un ano máis o certame Musigal, unha actividade que ten como obxectivo principal difundir a música galega entre o estudantado.

O certame está organizado polo Equipo de Dinamización da Lingua Galega e o Departamento da Lingua Galega que durante o curso traballande forma didáctica os textos e as música, para despois escoller, mediante votación en liña, as cancións finalistas e vencedoras das publicadas en galego no ano 2021.

Este ano chegaron á final 11 cancións e resultou gañadora "Terra" de Tanxugueiras co 39,6% dos votosQuedaron como segunda e terceira canción "OG" de Dios Ke Te Crew feat Boyanka Kostova (24,6%) e "Midas" de Tanxugueiras (12,3%), respectivamente.

Parabéns

blogue de iconcepcion

Musigal 2022: final

Xa sabemos que cancións do 2021 chegaron á final.

Despois de catorce roldas clasificatorias chegou o momento de votar.

Sortéanse puntos do EDLG e gorentosos premios da cafetaría

Para votar debes acceder á imaxe interactiva que está debaixo. Podes escoitar as cancións premendo nas distintas marcas amarelas. Despois accede á icona de votar. Só se pode votar unha vez.

A enquisa recolle a conta de correo (só pode ser a @iesdavidbujan.gal) para o sorteo dos puntos e dos gorentosos premios da cafetaría de Aurora.

En galego hai un mundo de música para escoitar!!