EXPOSICIÓN SOBRE A QUÍMICA NO IES O COUTO
O IES O Couto achégase á realidade da química
Ata o IES O Couto, onde os seus alumnos se proclamaron recentemente gañadores de "Galiciencia 2011", chegaba a exposición sobre o Ano Internacional da Química (AIQ) creada polo profesor Manuel Luis Casalderrey, catedrático de Física e Química recentemente xubilado.
Durante a semana do 12 ao 19 decembro no IES O Couto púdose visitar a exposición sobre o Ano Internacional da Química (AIQ), creado polo profesor Manuel Luís Casalderrey, catedrático de Física e Química.
Os carteis da exposición inciden no modo no que a Química ten actuado como benefactora da humanidade, producindo beneficios contrastados para o home , tales como: a prolongación da esperanza de vida, a revolución de áreas como a saúde, a mellora dos materiais de construción, a conservación de alimentos, os avances na locomoción e transportes, e progresos no coñecemento derivados do electrón.
O propio autor guiou a visita dos alumnos pola mostra.