Actos, Día de

Dende o Ciclo Superior de Integración Social, con motivo da celebración, o próximo 25 de Novembro, do Día Internacional da Eliminación da Violencia contra a Muller, estanse a organizar unha serie de actividades, das que queremos informar para animar a toda a comunidade a participar das mesmas.

Luns 23 estará instalado no vestíbulo do centro un Mural no que se formula unha pregunta: Que é para ti a violencia de xénero? O propósito deste mural é invitar á reflexión, buscando a participación colectiva, escribindo cada quen no propio mural aquelas cousas que considere que son violencia contra a muller ou o seu propio concepto de violencia contra a muller. Tamén haberá algúns pequenos carteis con frases de personaxes célebres, que pretenden convidarnos a pensar.

Martes 24, colocaranse algúns carteis máis que representan unha selección de mulleres cun papel relevante para todas e todos nós, animámosvos a coñecelas.

Mércores 25 farase unha concentración silenciosa diante do mural interactivo no tempo do recreo da tarde. Á súa finalización procederemos á lectura dun Manifesto.

Xoves 26 proxectarase, durante o recreo, unha presentación con vídeo e música, amosando a perspectiva de xénero na música.

Venres 27, proxectarase un vídeo para fomentar a visibilidade sobre o tema da violencia contra a muller e colgarase no mural interactivo unha definición oficial sobre a violencia contra a muller.

O alumnado do CS Integración Social confía en que vos guste esta inciativa e que vos animedes a participar.

CONTAMOS COA COLABORACIÓN DE TODA A COMUNIDADE EDUCATIVA PARA FACER DESTE PEQUENO ACTO ALGO SIGNIFICATIVO QUE MOSTRE A CONCIENCIACIÓN E PARTICIPACIÓN DE TODO O IES Chapela.

Fotos da lectura do manifesto

O 15 de xuño de 2015 recibimos a visita do alumnado de 6º EP ao IES CHAPELA [CEIP A. BÓVEDA, CEIP IGREXA E CEIP LAREDO].

Descarga a foto

O 12 de xuño de 2015 a comunidade educativa do IES Chapela rendeu homenaxe a Alfonso Daniel Rodríguez Castelao cunha lectura conxunta dun fragmento do Sempre en Galiza, unha actuación musical e a inauguración dun mural realizado polo alumnado do IES de Chapela. Foi organizado polo EDLG do IES.

Foto de grupo          Foto co profesorado

Hai momentos na vida onde non sabemos o que dicir, e menos como sentirnos. Hoxe é un deles.   O pasado 5 de xaneiro, a noite de Reis, o noso compañeiro, amigo, profesor, Jorge Berdiñas, faleceu repentinamente. Fíxoo como era o seu costume, desfrutando a vida ata o último segundo.   Moitos serán os momentos nos que pasada esta amargura que agora vivimos, lembremos o seu sorriso, a súa tenrura, o seu espírito libre e alegre, a súa coherencia e o seu xeito de vivir sempre de fronte coas súas ideas.   Non tardaremos moito en facer unha acto de lembranza, á súa altura, do que vos informaremos no seu momento. E dicimos de lembranza, e non de despedida, porque Jorge nos acompañará a todos e todas os que o coñecemos, xa para sempre.   Contigo na memoria, JORGE.

Acto de lembranza martes 10 de Febreiro de 2015 ás 17:00 no Multiusos do Piñeiral do Crego

Actividades desenvolvidas o  día 3/12/2014 co gallo do Día Internacional das Persoas con Discapacidade.

PDF Actividades

Organización: Olga Estraviz, Marta Pardavila, Elena Vázquez  e alumnado de 2º APSD.

Entidades participantes: Asociación Juan María (Nigrán), Down Vigo e Discade (Discapacidade e Defensa).

Agradecemento: a Teresa Dacuña pola súa colaboración cedendo ao alumnado de 4º ESO A.

Alumnado participante: 1º e 2º APSD (diúrno), 1º Educación Infantil (diúrno) e 4º ESO A.

20 Novembro - Día dos Dereitos do Neno / OBRADOIROS no vestíbulo do IES

Fotos das actividades realizadas polo alumnado de APSD no vestíbulo do IES, co gallo do día do coidador o pasado 5 de novembro.