Un curso máis no IES de Chapela celebróuse o Mes da Ciencia en Galego. Os alumnos e alumnas de 4º da ESO puideron gozar dun taller de ciencia onde científicos do CINBIO (Centro de Investigacións Biomédicas da Universidade de Vigo) ensináronlles a traballar como eles.
Comprobaron a existencia da tensión superficial da auga botándoa enriba de moedas
Aprenderon a facer bombas de baño mesturando bicarbonato con ácido cítrico
Crearon unha crema hidratante de mans
Tamén dende o departamento de Física e Química o alumnado de bacharelato e de 3º da ESO puido experimentar no laboratorio con diferentes tipos de reaccións: unha reacción de precipitación e outra reacción moi vigorosa con desprendemento de calor.
