PERO QUE FRÍO VAI !!
Esta frase foi a máis repetida nesta mañá do 9 de febreiro de 2015. E de certo non é que fora o día máis frío deste inverno pois se a memoria non nos falla eso xa pasou polo 31 de decembro. O que sí podemos afirmar é que foi o día lectivo de máis frío. De feito hoxe, ás 10 da mañá, onde ainda non dera o sol tiñamos un mantiño branco de xeada ben bonitiña e ben sonora a cada paso que dabamos sobre ela.
No tanque de evaporación o xeo tiña máis dun centímetro de espesor polo que o desincrustar o termómetro de máximas e mínimas e o micrómetro foi misión case que imposible ( houbo que romper o xeo sen esnaquizar os aparellos). Outra cousa que ainda non viramos en case que 10 meses que levamos tomando os datos. foi que a auga do evotranspirador estaba xeada. É unha pena que nas fotos non se aprecie moi ben.
Que nos fai pensar todo isto?:
- Que a tempertura do aire en algún momento tivo que ser de 0 graos centígrados. De feito a mínima foi de -5,5 a eso das 8:23 da mañá.
- Que a temperatura da auga foi de 0 graos e non inferior pois non houbo canxelación total no tanque.
E sobre todo: que vai moito frío!!.
