MANTEIS PARA A HOSTALARÍA VILAGARCIÁ
Actividade realizada entre o Concello de Vilagarcía de Arousa e o Equipo de Normalización e Dinamización Lingüística do IES Castro Alobre (ENDL). O alumnado do Instituto elaborou carteis (un deseño gráfico xunto a un lema ou frase animando a usar o galego) que se converteron en manteis para os bares e restaurantes de Vilagarcía.
Temos catro modelos diferentes e as autoras son: Carla García Bemposta, Andrea Solla Alfonsín, Xerome Vence Nieto e Lucía Gutiérrez Millán.
O Concello fíxose cargo do custo de edición e o alumnado e profesorado do ENDL repartirannos polos establecementos hostaleiros da vila o vindeiro día 25 de xuño: as autoras xunto con outros alumn@s explicarán nos locais o obxectivo da actividade e deixarán, de balde, 200 ou 300 manteis.
O obxectivo xeral é fomentar o uso do galego na hostalería local. E ademais:
-
Desfacer os prexuízos existentes cara o uso do noso idioma.
-
Facer visible o labor normalizador fora do ámbito escolar.
-
Buscar espazos de traballo en común co Concello.
Os catro traballos d@s alumn@s:
![](http://www.edu.xunta.gal/centros/iescastroalobrevilagarcia/system/files/IMG-20190607-WA0025.jpg)
![](http://www.edu.xunta.gal/centros/iescastroalobrevilagarcia/system/files/IMG-20190607-WA0027.jpg)
![](http://www.edu.xunta.gal/centros/iescastroalobrevilagarcia/system/files/IMG-20190607-WA0028.jpg)