Actividades

O alumnado que cursa a materia de Ciencias Aplicadas á Actividade Profesional realiza varias saídas didácticas á praia da Basteira os días 16, 20, 21 e 23 de marzo de 10:10 a 11:00 horas. As datas poden cambiar por mor da climatoloxía.

 A actividade está organizada polo departamento de Bioloxía, o Club de Ciencias, o Proxecto Erasmus+, o Proxecto Ríos e o Programa Polos Creativos

O alumnado de 4º ESO, 1º BAC e CICLO asiste a unha charla sobre "A nosa pegada dixital en Internet: canto saben de nós e para que o usan" no Pazo da Cultura de Narón o xoves 9-3-23 de 8:30 a 16:00 horas. Despois da charla, faise un tramo da Ruta dos Muiños de Xuvia.

A relatora é  Susana Ladra, enxeñeira e doutora en Informática pola UDC, graduada en Matemáticas (UNED), Directora do Campus Innova da UDC, profesora Titular, investigadora do CITIC e Vicepresidenta do Colexio Profesional de Enxeñería Informática de Galicia. Obtivo premios como MSCA 2018 Award ou Premio Ada Byron Nova pola Universidade de Deusto.

A actividade está organizada polos departamentos de Informática, Matemáticas e Tecnoloxía do IES Cabo Ortegal.

O alumnado que cursa as materias de Filosofía e Latín acuden a Lugo o martes 7-3-23 de 08:30 a 20:00 horas. Pola mañá visita ao  museo MIHL, percorrido pola muralla romana, visualización do Julio César do grafitero Diego As, visita á catedral. E, pola tarde, asiste no Auditorio Municipal Gustavo Freire á representación da obra El Persa de Plauto interpretada polo Grupo El Ruiseñor de Culleredo

A actividade está organizada polos departamentos de Filosofía e Latín

O alumnado de 3° ESO A e B realiza o taller "Meteolab" o luns 20-03-23 de 16:00 a 17:40 horas impartido polo Instituto de Xeociencias e a Facultade de Físicas da Universidade Complutense de Madrid.

O taller está incluído no proyexto Ciudad Ciencia impulsado polo CSIC co apoio do Ministerio de Ciencia e Innovación.

A actividade está organizada polos compoñentes do Club de Ciencias do IES Cabo Ortegal e o Concello de Cariño.

O alumnado de 4º ESO realiza un taller a cargo de ASFEDRO sobre "Prevención do xogo patolóxico" o xoves 16-02-23 de 09:20 a 11:00 horas.

A actividade está organizada polo departamento de Orientación.

O alumnado de 4º ESO e de 1º e 2º BAC teñen unha charla-coloquio o venres 10-02-23 de 11:30 a 13:10 horas na Biblioteca do Instituto.

A actividade serve para conmemorar o Día Internacional da Muller e a Nena na Ciencia (11 de febreiro) e contará coa participación das exalumnas Eva, Laura e Miriam.

A actividade está organizada polos equipos de Biblioteca e do Club de Ciencias do IES Cabo Orteg

O alumnado que participa no programa Erasmus+ realiza unha saída o mércores 02-02-2023 de 11:30 a 14:30 horas pola Capelada xunto co CPI Castro Baxoi de Miño e o CPI Virxe da Cela de Monfero. Será a súa estrea como divulgadores da riqueza xeolóxica da contorna.

A actividade está organizada polo equipo Erasmus+ "Embaixadores do Xeoparque Cabo Ortegal" e o Club de Ciencia do noso centro.

O mércores 25-01-23 3 integrantes do equipo "Dementores de A Coruña", actuais campeóns de Europa de quidditch, visitan o IES Cabo Ortegal para explicar os aspectos máis salientables deste deporte.

Terá lugar dende no ximnasio do IES Cabo Ortegal de 16:30 a 18:30 horas, aproximadamente.

Está aberta a todo o alumando e o profesorado interesado na práctica deste deporte.

A actividade está organizada polos componentes do Plan Proxecto Vida Activa e Deportiva.

O alumnado de 1º ESO ten unha charla sobre Ciberbulling e as consecuencias do Acoso Escolar a través das Redes Sociais e en especias a través de WhatsApp, impartida por membros da Garda Civil, o martes 29-11-22 de 13:10 a 14:00 horas.

A actividade está organizada polo departamento de Orientación.

O alumnado do Ciclo ten unha charla sobre Motivación Emprendedora o mércores 23-11-22 de 16:30 a 18:30 horas.

A actividade está organizada polo IES Cabo Ortegal en colaboración coa Asociación Ortegal UP de Cariño.

O alumnado de 2º ESO ten unha charla sobre Violencia de Xénero, impartida por membros da Garda Civil, o martes 22-11-22 de 13:10 a 14:00 horas.

A actividade está organizada polo departamento de Orientación.

O alumnado de 3º ESO ten unha charla sobre Ciberseguridade, impartida por membros da Garda Civil, o luns 21-11-22 de 16:00 a 16:50 horas.

A actividade está organizada polo departamento de Orientación.

O alumnado de 1º ESO realiza unha actividade na piscina municipal o martes 07 de febrero de 2023 de 11:30 a 14:00 horas.

A actividade está organizada polo departamento de Educación Física e conta coa colaboración do Concello de Cariño.

O luns 14-11-22 de 16:00 a 17:40 horas todo o centro participará na degustación de castañas asadas. Se a meteoroloxía o permite poderase participar en xogos tradicionais. 

A actividade está organizada polo Equipo de Dinamización da Lingua Galega coa colaboración do Departamento de Educación Física.

O alumnado de 4º da ESO e de 1º e 2º de BAC visita Santiago de Compostela o venres 11-11-22, de 08:30 a 20:00 horas, para asistir á representación no Auditorio de Galicia da obra de teatro N.E.V.E.R.M.O.R.E., da compañía Chévere, centrada na catástrofe do Prestige.

Pola tarde, o alumnado realizará unha visita por algúns dos lugares máis coñecidos da zona vella compostelá, guiados polo profesorado acompañante.

A actividade está organizada conxuntamente polo Departamento de Lingua Galega e Literatura, o Equipo de Dinamización da Lingua Galega e a Biblioteca Escolar do IES Cabo Ortegal.