O pasado día 31 de octubre, gozamos dunha marabillosa xornada de Magosto.

Ao alumnado de 1º de Bacharelato tocounos organizar e coordinar xogos populares para 1º e 2º de

ESO.

Os xogos comezaron ás 10:25h. e prolongáronse ata ás 14:00h.

Algúns dos xogos dos que puideron desfrutar foron a ra, o paracaídas, o brilé, carreiras de sacos, tres en

raia, circuítos de chapas ou a petanca.

Pola tarde, o noso esforzo foi recompensado cunha chocolatada e castañas, todo acompañado de música

e bo ambiente.

Agardamos con gañas ao seguinte!

Marta Míguez e Flavia Maceiras, 1º Bacharelato B

Preme na icona para ver as fotos dos xogos no magosto

O pasado venres 2 de xuño, conmemoramos do Día Mundial da Bicicleta facendo un roteiro en bicicleta por Brión duns cinco quilómetros. O percorrido durou unha hora e media aproximadamente e participamos os tres grupos de 1º de ESO.

A actividade foi organizada por Xiana, profesora de Educación Física, e tamén acudiron Ares, profesor de Bioloxía, Soco, profesora de Matemáticas e Viqui, a directora do centro.

Durante o percorrido tamén estaba a policía local do concello e un coche de protección civil, para cortar o tráfico ou solucionar calquera problema.

Este precorrido pareceunos moi bonito e divertido, debido a que iamos todas e todos en grupo dando unha volta en bicicleta. Foi moi entretido e gustaríanos facer este ou outros percorridos en bicicleta ao longo da ESO.

Daniel Caramés Giménez e Laura Trincado Seoane, 1º ESO A

Preme na icona para ver o mapa do percorrido.

Na semana do 29 de maio, fixemos unha actividade de arranxo de bicicletas en cada un dos cursos de 1º de ESO. Nesta actividade, un grupo de triatletas do Club Inforhouse Santiago visitou o noso instituto e ensináronos que obxectos hai que levar a un tríatlon.

Unha vez nos ensinaron todos os materiais necesarios, explicáronnos como se cambiaba a cámara dunha bicicleta e as diferentes formas de colocar a cadea.

Logo dividíronnos en grupos de cinco persoas e déronnos unha bicicleta de carreteira a cada grupo para que puxeramos en práctica todo o aprendido.

A min este obradoiro serviume, xa que ás veces cando ía andar na bici e pinchaba a roda non sabía cambiar a cámara e sempre me manchaba as mans cando se me saía a cadea.

Agora toca poñer en práctica o aprendido!

Mateo Rivas Tarrío 1º ESO A

Nas datas do domingo 14 ao sábado 20 de maio, 20 alumnas e alumnos de 2º de ESO do noso centro estivemos nun campamento para inmersión lingüistica en inglés, en Os Peares.

No campamento tiñamos catro horas de clase diarias, e dúas delas utilizadas para preparar un proxecto que presentaríamos fronte ao resto do campamento o venres. Para estas clases e algunhas actividades, separáronos en grupos con xente doutros institutos.

As activades que faciamos (unha pola mañá, outra pola tarde e outra despois de cear) estiveron ben.

A comida era rica, aínda que como tiñamos que ir en fila para coller a comida, se eras dos últimos soamente tiñas 20 ou 30 minutos para comer.

As actividades eran moi variadas (a bomba, as estatuas musicais, crear o noso propio cómic ou a nosa cidade...) e sempre en equipo, desta maneira podiamos aprender, pasalo ben e coñecer a xente doutros institutos.

Deixando as cousas que cambiaría de lado, foi unha experiencia inolvidable e moi divertida que, sen dubidalo, repetiría.

Aroa Prieto Fernández, 2º ESO B

Preme na icona para ver máis fotografías.

O venres 21 de abril o alumnado de 1º de bacharelato participamos nunha actividade de rafting polo río Ulla, organizada polo Departamento de Educación Física xunto coa empresa Arrepións, á que nos acompañaron Xiana e Julio, a/o nosa/o docentes de Educación Física e Hannah, auxiliar de conversa en inglés.

En grupos de 8 ou 9 persoas subímonos as balsas xunto cos monitores e comezamos o traxecto polo río, durante o cal, polos baños inesperados e correntes que se levaban á xente das balsas, rimos moito.

Despois de remar durante unha hora e facer varias paradas para nadar e incluso para saltar dende algunha rocha, volvemos ao autobús para ir ata o merendoiro de recinto feiral de Herbón onde xantamos.

Aínda que polo mal tempo non puidemos facer a actividade que estaba planeada para a tarde, todos marchamos moi contentos e con moitas ganas de repetir a experiencia.

Nerea Paradelo, 1º Bacharelato B

Preme na icona para ver as fotos.

O martes 18 de abril o alumnado de 2º de ESO realizamos unha andaina en Ons, parroquia pertencente ao concello de Brión. Cada participante levamos unha pequena mochila e roupa e calzado cómodos que nos permitira camiñar facilmente.

Saímos do instituto a primeira hora da mañá e fomos en autobús ata a Área de Piragüismo en Ponte Ínsua (Ons), punto de inicio dun roteiro circular polo monte, que pasa pola fermosa fervenza do Pozo Negro, onde tamén hai unha pequena ponte de madeira.

Os guías foron Luciano e Manolo, veciños de Ons, que nos ensinaron as diferentes plantas propias, resaltando que era unha das únicas zonas de Brión que conservaba a súa flora natural.

Fomos camiñando pola beira do río Tambre, que se podía ver dende o sendeiro marcado.

Fixemos unha parada na Igrexa de Ons, onde nos explicaron un pouco da historia e tamén tivemos tempo para merendar e recobrar forzas.

Tras chegar ao final da andaina, aproveitamos a Área de Piragüismo para descansar ou xogar e, posteriormente, regresamos ao instituto para coller o transporte escolar.

Un día para recordar e unha andaina recomendable!

Sara Castro Blanco, 2º ESO B

Preme na icona para ver as fotos.

Presentamos á comunidade de Brión o terceiro volume do Libro de Receitas Saudables.

Este libro é o resultado do traballo do alumnado de 1º de Bacharelato de Educación Física no curso 2021-22.

En palabras de dúas das protagonistas, este foi o proxecto desenvolvido:

"O proxecto que realizamos o ano pasado para motivar á comunidade de Brión a comer máis san, consitiu nunha grabación dunha curta da preparación dunha receita xunto co menú dun xantar saudable.

Dividímonos en grupos e cada un realizou un prato diferente, para despois recoller todas as receitas nun libro e poder compartilas con calquera que lle apetecera facelas.

Grazas a esta experiencia investigamos e aprendimos sobre a alimentación e a decatarnos da gran variedade de comidas saudables e sinxelas que se poden facer, a gusto de cada persoa.

A receita que escollimos nós fou un cake caseiro con herbas frescas, unha receita alemá creativa, que se pode completar con diversos acompañamentos, para obter un prato orixinal.

Foi unha experiencia moi divertida e educativa, xa que desfrutamos preparando a receita e pasando tempo xuntas. E non só nos gustou a realización do vídeo, se non tamén o pensamento de que quizais chegaríamos a inspirar a alguén a mellorar a súa alimentación, cunha dieta máis sa."

Andrea Bao e Irene Núñez, 1º Bacharelato curso 2021-22

Premendo na portada do libro ou no arquivo adxunto, pódese ver ou descargar o libro.

No libro, premendo na icona de vídeos de youtube, accédese a cada receita.

No libro, premendo na icona de menú, accédese ao menú saudable completo.

Para ver o Volume I do libro de receitas saudables, premer na seguinte icona

Para ver o Volume II do libro de receitas saudables, premer na seguinte icona

Desfruta cociñando e comendo saudable!

O martes, 21 de xuño do 2022, o alumnado de 2º da ESO fomos de excursión de fin de curso, na cal percorrimos varios lugares distintos da provincia da Coruña.

A nosa primeira parada foi nas dunas de Corrubedo. O recinto das dunas cambiou moito ao longo dos anos, dado que agora está protexido, e non se pode acceder ás dunas directamente, senón que hai que chegar ata elas por un camiño de madeira. Ao lado das dunas había unha praia, á que había que chegar por un camiño de area e pedras. Así, paramos un anaco naquela gran praia, despois de ver as dunas.

O segundo sitio ao que fomos foi o dolmen de Axeitos, o que visitamos indo por turnos, organizados en tres grupos. Alí, Esther explicóunos a función daquel megálito e a súa data aproximada de creación. Un dolmen ten unha función funeraria, dado que as persoas mortas eran enterradas, e as pedras colocábanse enriba, formando a súa estrutura; e este dolmen databa do ano 4.000 antes de Cristo. Despois, metímonos dentro do dolmen, para velo dende o interior.

O terceiro lugar que visitamos foi o Castro de Baroña. Neste castro viviron os castreños dende o ano 1 antes de Cristo ao ano 1 despois de Cristo, aproximadamente, e aínda agora se conservan as estruturas desas casas. Así, fomos explorar o castro, dando voltas por el e vendo o que contiña. Acto seguido, baixamos todos ao exterior do recinto para sacar unha foto final.

A nosa cuarta e final parada foi a praia da Aguieira, onde xantamos e estivemos as primeiras horas da tarde. Logo do xantar, estivemos paseando, bañándonos e xogando nela, pero, por desgraza, estivo chovendo a maior parte do tempo. Aínda así, botamos un bo anaco na praia ata que a choiva foi a máis, e marchamos para o autobús. Ao marchar daquela praia, a excursión deuse por finalizada.

Que boa maneira de rematar o curso, non si?

Zoe de Rojas Rozas, 2º ESO grupo D

O pasado luns 6 de xuño, o alumnado de 1º de Bacharelato tivemos a sorte de poder ir facer rafting, actividade organizada polo Departamento de Educación Física.

A xornada estivo dividida en dúas partes:

• Primeiro, en grupos de 4-6 persoas, e seguindo un mapa, fomos percorrendo distintos puntos de Padrón, para así coñecer mellor o centro desta fermosa vila. O roteiro permitía buscar información sobre as igrexas, estatuas, paseos, mercado e outros monumentos e puntos interesantes de Padrón.

• Unha vez feito o roteiro, deixamos Padrón para ir realizar a actividade de rafting. Fomos capaces de completala con éxito grazas aos guías de Arrepións. En grupos de 7-8 persoas, descubrimos o río Ulla descendendo polas súas correntes nas balsas neumáticas, e tamén nadando nalgún tramo do río ou incluso tirándonos dunha rocha.

Foi unha gran experiencia que nos permitíu rematar o curso dunha maneira divertida!

Inés Núñez Fesedelft, 1º Bacharelato A

Preme na icona para ver as fotos desta actividade.

Este ano botamos man do Departamento de Tecnoloxía para analizar e contextualizar o punto do que partiamos así como tantear o interese que podía mostrar a Comunidade Educativa do IES de Brión para sacar adiante o proxecto de Bicikleteando.

Así que, para esta árdua labor o Departamento de Tecnoloxía diseñou co alumnado de 4º da ESO unha enquisa-formulario que fixemos chegar a toda a Comunidade e que nos permitiu sondear o punto de partida de un xeito rápido e eficaz.

Grazas por facer simple o traballo longo e tedioso...

https://docs.google.com/forms/d/1eb-Y8W0g5HlzpiSWrFfKZOCi_MIgLnSOxYvHCQ_RanY/prefill