Novidades literarias de febreiro
Enviado por Anónimo o Lun, 19/02/2018 - 12:40
| Tralas novidades cinematográficas, chegan as literarias. Referímonos a varias incorporacións bibliográficas ao fondo da biblioteca, onde destacan a poesía e a narrativa en lingua galega. Como estamos no mes de Rosalía, tampouco pode faltar unha monografía para coñecer mellor a vida e obra desta senlleira figura das nosas letras. | ||
|
|
||
Camuflaxe / Lupe GómezChan da Pólvora, 2017 |
||
 |
A editora e libraría especializada en poesía "Chan de pólvora" presentanos este poemarío no que Lupe Gómez recrea motivos recurrentes na súa obra literaria e introduce outros novos referentes, mantendo sempre a rotundidade, o vigor e a emoción dos seus poemas, quer sexa a través de imaxes visionarias, quer a través de pequenos textos de filiación narrativa ou de sentenzas case inapelables e sempre sorprendentes.
|
|
Elefante / Manuel DarribaEdicións Xerais de Galicia, 2018 |
||
 |
Relatos sobre mundos que integran un mundo poliédrico. Lugares que se resisten á escritura. As percepcións comparecen distorsionadas, fóra do refuxio da certeza. Manuel Darriba reivindica a etiqueta de «escritor transxénero». A súa narrativa está infiltrada de elementos poéticos. A súa poesía incorpora elementos narrativos. O autor segue a desenvolver un programa artístico propio, conducindo o discurso por camiños pouco explorados. Materia: 1. Relatos |
|
De catro a catro : manuscrito inédito / Manuel AntonioAlvarellos : Consorcio de Santiago, 2016 |
||
 |
Un dos manuscritos orixinais e inéditos máis agardados da literatura galega. Publicado agora nunha coidada edición facsimilar que respecta fielmente o formato orixinal no que foi creado: un caderno de contas en capa dura. Materias: 1. Manuel Antonio
|
|
Rosalía de Castro : cantos de independencia e liberdade, 1837-1863 / María Xesús LamaGalaxia, 2017 |
||
 |
Neste primeiro volume da biografía de Rosalía de Castro nárranse as súas orixes familiares e os seus anos de mocidade. María Xesús Lama, profesora de estudos galegos na Universidade de Barcelona e editora de Cantares gallegos, pescuda con rigor e admiración, con obxectividade non exenta de paixón, na vida da poeta en Galicia e Madrid nun tempo de ideais e de aprendizaxe para a mocidade que na segunda metade do século XIX decide intentar vivir da pluma. A autora aproveita as últimas descubertas da investigación filolóxica e histórica para afondar nas viraxes inesperadas que obrigan a poeta a regresar a Compostela coa carga dunha responsabilidades familiares que lle fan reconsiderar a orientación da súa vida. Materias: 1. Castro, Rosalia de-Biografías |
|
María Victoria Moreno: a muller que durmía pouco e soñaba moito / Fina Casalderrey, Marilar AleixandreXerais, 2018 |
||
 |
Este libro é un acto de cariño, no que Fina Casalderrey e Marilar Aleixandre ofrecen un fermoso retrato de María Victoria Moreno, a escritora, á que está dedicado o 17 de maio de 2018. Iniciada polo relato apaixonante do que sucedía na libraría Xuntanza de Pontevedra, da que era socia María Victoria, esta biografía segue o fío da vida da autora, dende os seus anos difíciles de infancia e formación, até a súa chegada en 1963, a Galicia, onde exerceu como profesora de lingua e literatura. Un relato no que están presentes, a súa paixón polo ensino e polos animais, reflectida en boa parte das súas obras, a súa capacidade para meterse na pel dos personaxes dos libros propios e alleos, até a valente actitude coa que enfrontou o cancro. Un libro, nacido do cariño e admiración por María Victoria, que reconstrúe con emoción toda unha vida de novela dedicada ao amor aos libros e a comunicar o pracer pola lectura en galego, lingua coa que mantivo unha historia de amor. Materias: 1. Moreno, María Victoria-Biografías
|
|
